AP ផ្សាយថា យានស្រាវជ្រាវអវកាសឃ័ររៀស សីុទី (Curiosity) របស់អង្គការអវកាសសហរដ្ឋអាមេរិក (NASA) បានបាញ់កាំរស្មីឡាស៊ែរ កម្លាំងខ្លាំងទៅលើដុំថ្មមួយដុំដំបូងនៅលើភពព្រះអង្គាររហូតក្លាយជាចំហាយដើម្បីពិសោធន៍លើផ្នែកវិទ្យាសាស្ត្រ ។
កាំរស្មីឆេមខេមមានកម្លាំងជាង១លានវ៉ាត់ត្រូវបាញ់ចេញពីបំពង់ដែលភ្ជាប់នៅលើយាន Curiosity មានរយៈចម្ងាយពីដុំថ្មប្រហែល២,៥ម៉ែត្រ ប្រហែល៣០ចំណុចក្នុងរយៈពេល១០វិនាទី បង្កើតជារណ្តៅឆេះទំហំតូច ។ភារកិច្ចនោះអ្នកវិទ្យាសាស្ត្រសង្ឃឹមថា នឹងបានដឹងពីធាតុផ្សំផ្នែកគីមីរបស់ដុំថ្មថា ធ្លាប់មានស្ថានភាពបរិស្ថានបង្កភាពងាយស្រួលដល់វត្ថុមានជីវិត ឬអត់ ? នោះជាការសាកល្បងគម្រូរបស់ប្រព័ន្ធពន្លឺឡាស៊ែរ ៕
ចែករំលែកព័តមាននេះ