អាជ្ញាធរនៅភាគខាងកើតតំបន់ស៊ីបេរី ប្រទេសរុស្ស៊ី បានឱ្យដឹងថា ស្ត្រីអាយុ២៦ឆ្នាំម្នាក់ នៅទីក្រុងសាកាមេន ស្ថិតនៅក្បែរព្រំដែនប្រទេសម៉ុងហ្គោលី ត្រូវក្រុមស៊ើបអង្កេតរកឃើញថា នាងបានធ្វើឃាតបុរសវ័យចំណាស់ម្នាក់នៅក្នុងតំបន់កើតហេតុ ដោយប្រើអាវទ្រនាប់រឹតក ។
ក្រុមស៊ើបអង្កេតរុស្ស៊ីបញ្ជាក់ថា ហេតុការណ៍កើតឡើងកាលពីល្ងាចថ្ងៃមួយក្នុងខែកក្កដា ។ ស្រ្តីនោះ និងគូស្នេហ៍បាននាំគ្នាផឹកស្រា លុះអស់ស្រាក៏ហៅបុរសចំណាស់អាយុ៦៥ឆ្នាំ សុំប្រាក់ដើម្បីទិញស្រាផឹកបន្ត ។ ដោយសារខឹងបុរសនោះបដិសេធ នារីដៃដល់វាយគាត់ទៅលើផ្ទៃមុខ រួមទាំងព្យាយាមយកដៃច្របាច់ក ។ បន្ទាប់មកនាងដោះអាវទ្រនាប់របស់ខ្លួន រឹតកបុរសនោះរហូតដល់ស្លាប់បាត់បង់ជីវិត ៕
ចែករំលែកព័តមាននេះ