ADផ្ទាំងផ្សព្វផ្សាយពាណិជ្ជកម្ម

ក្រសួងមហាផ្ទៃធ្វើសន្និសីទកាសែតបង្ហាញមុខស្ត្រីឆបោកប្រាក់រាប់សែនដុល្លារ

13 ឆ្នាំ មុន

២៣ ខែ សីហា ឆ្នាំ ២០១២ ម៉ោង ១១:០៤

រាជធានីភ្នំពេញ ៖ លោកវរសេនីយ៍ទោ ប៉ាល់ សុធី អនុប្រធានការិយាល័យព្រហ្មទណ្ឌកម្រិតស្រាលនៃក្រសួងមហាផ្ទៃបានធ្វើសន្និសីទកាសែត បង្ហាញមុខ និងសកម្មភាពរបស់ស្ត្រីឆបោកម្នាក់ដែលអះអាងថា ជាក្មួយរបស់ថ្នាក់ដឹកនាំជាន់ខ្ពស់កម្ពុជា និងបានឆបោកប្រាក់ពីជនរងគ្រោះរាប់សែនដុល្លារ ។ សន្និសីទកាសែតនោះធ្វើឡើងនៅក្រសួងមហាផ្ទៃនាព្រឹកថ្ងៃទី ២៣ សីហា នេះ ។

ស្ត្រីឆបោកខាងលើឈ្មោះកង ស្រីនិច អាយុ៤០ឆ្នាំ មានលំនៅក្នុងខេត្តបាត់ដំបង បានដើរឆបោកប្រាក់ពីជនរងគ្រោះជាច្រើននាក់ អស់រាប់សែនដុល្លារ ដោយអួតអាងថា ជាក្មួយថ្នាក់ដឹកនាំជាន់ខ្ពស់ ។ ស្ត្រីខាងលើត្រូវបានសមត្ថកិច្ចឃាត់ខ្លួនបន្ទាប់ពីមានបណ្តឹងចំនួន៣ដែលបានប្តឹងចោទប្រកាន់ពីបទរំលោភលើសេចក្តីទុកចិត្ត ។