ខេត្តពោធិ៍សាត់ ៖ ប៉ូលិសប៉ុស្តិ៍រដ្ឋបាលផ្ទះព្រៃកាលពីវេលាម៉ោង១០និង៣០នាទីយប់ថ្ងៃទី២១ សីហា ២០១២ បានឃាត់ខ្លួនយុវជនម្នាក់ និងម៉ូតូមួយគ្រឿង ខណៈពេលយុវជនរូបនោះកំពុងអង្គុយដោះស្លាកលេខម៉ូតូនៅខាងមុខផ្ទះសំណាក់ពោធិ៍សាត់ ស្ថិតក្នុងភូមិពាលញែក១ សង្កាត់ផ្ទះព្រៃ ក្រុងពោធិ៍សាត់ ដោយសង្ស័យថា ជាចោរលួចម៉ូតូ ។
លោកអនុសេនីយ៍ទោ ប៉ិច ស៊ីផាន់ នាយប៉ុស្តិ៍ផ្ទះព្រៃឱ្យដឹងថា កាលពីយប់ថ្ងៃខាងលើ កម្លាំងប្រជាការពារបានដើរល្បាតក្នុងក្រុងពោធិ៍សាត់ ឃើញយុវជនម្នាក់កំពុងអង្គុយដោះស្លាកលេខម៉ូតូនៅខាងមុខផ្ទះសំណាក់ពោធិ៍សាត់ ។ ដោយមានការសង្ស័យក្រុមប្រជាការពារបានសហការជាមួយកម្លាំងប៉ុស្តិ៍ហៅសួរនាំ ។ ពេលឃើញកម្លាំងទៅដល់យុវជនរូបនោះរត់ចោលម៉ូតូ តែត្រូវកម្លាំងដេញតាម រហូតចាប់បាននៅភូមិអ៊ិស្លាមសង្កាត់បន្ទាយដី ក្រុងពោធិ៍សាត់ យកទាំងម៉ូតូ និងមនុស្សមកកាន់ប៉ុស្តិ៍ដើម្បីសួរនាំ ។ ម៉ូតូម៉ាកឌ្រីម C125 ពណ៌ខ្មៅស៊េរី២០០៩ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ