រាជធានីភ្នំពេញ ៖ លោកកែប ជុតិមា អភិបាលរាជធានីភ្នំពេញ និងលោកជំទាវបានផ្តល់អំណោយជាថវិកាដល់លោកទូច ចាន់ថន ចៅសង្កាត់ទើបជាប់ឆ្នោតថ្មីដែលមានជំងឺជាទម្ងន់ និងកំពុងសម្រាកព្យាបាលកាលពីថ្ងៃទី២១ សីហា ២០១២ ។ អំណោយទាំងនោះត្រូវបានលោកស្រីតិមា វិច្ឆិកាល ជំនួយការលោកកែប ជុតិមា និងលោកឡុង ឌីម៉ង់ រួមជាមួយក្រុមយុវជនកម្ពុជា អង្គភាពរាជធានីភ្នំពេញ ដែលមានទឹកប្រាក់ចំនួន១ពាន់ដុល្លារអាមេរិក ជាថវិការបស់លោកកែប ជុតិមា និងលោកជំទាវ និងថវិកាសាលារាជធានីភ្នំពេញ ចំនួន២លានរៀល ទៅប្រគល់ជូនលោកទូច ចាន់ថន ជាចៅសង្កាត់ផ្សារដេប៉ូទី២ ខណ្ឌទួលគោក ទើបជាប់ឆ្នោតថ្មីដែលធ្លាក់ខ្លួនឈឺជាទម្ងន់អស់រយៈពេលជាង១ខែមកហើយ និងបានបញ្ជូនទៅមន្ទីរពេទ្យសង្គ្រោះបន្ទាន់កាលពីថ្ងៃទី៤ សីហា ។
លោកស្រី តិមា វិច្ឆិកាល បាននាំយកការផ្តាំផ្ញើសួរសុខទុក្ខពីលោកកែប ជុតិមា និងលោកជំទាវជូនលោកទូច ចាន់ថន សុំឱ្យលោកឆាប់ជាសះស្បើយពីរោគាពាធ នឹងបានវិលទៅបំពេញភារកិច្ចជូនប្រជាពលរដ្ឋវិញ ។ លោកទូច ចាន់ថន អាយុ៥៣ឆ្នាំ បានជាប់ឆ្នោតជាចៅសង្កាត់៣អាណត្តិជាប់គ្នា និងមានស្នាដៃល្អក្នុងការដឹកនាំអភិវឌ្ឍន៍ក្នុងសង្កាត់ធ្វើឱ្យប្រជាពលរដ្ឋគោរពស្រឡាញ់ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ