លោក HE GUOQIANG សមាជិកគណៈកម្មាធិការអចិន្ត្រៃយ៍នៃការិយាល័យនយោបាយគណៈកម្មាធិការកណ្តាលបក្សកុំមុយនីស្តចិនអះអាងកាលពីថ្ងៃទី២១ សីហា ថាប្រទេសចិននឹងអនុវត្តផែនការនាឆ្នាំថ្មីដើម្បីលុបបំបាត់ចោលអំពើពុករលួយ បន្ទាប់ពីសមាជជាតិនាពេលខាងមុខនេះរបស់បក្សកុំមុយនីស្តចិន ។
លោក HE ប្រកាសថាលោកត្រៀមពង្រឹងការខិតខំប្រឹងប្រែងប្រឆាំងអំពើពុករលួយដោយចាត់ទុកភារកិច្ចនោះថាជាគម្រោងយុទ្ធសាស្ត្រសំខាន់ ហើយមានរយៈពេលយូរអង្វែង ។ លោកHE ដែលក៏ជាប្រមុខគណៈកម្មាធិការត្រួតពិនិត្យវិន័យរបស់បក្សកុំមុយនីស្តចិន ដែរនោះគូសបញ្ជាក់ថា សមាជជាតិលើកទី១៨របស់បក្សកុំមុយនីស្តចិន នឹងស្វែងរកមធ្យោបាយថ្មីៗដើម្បីបង្ការអំពើពុករលួយនាពេលបច្ចុប្បន្ននិងនាពេលអនាគត។
លោកបន្តថា ស្មារតីនៃសមាជជាតិលើកទី១៨របស់បក្សកុំមុយនីស្តចិននឹងត្រូវតែឆ្លុះបញ្ជាំងទាំងស្រុងក្នុងផែនការ៥ឆ្នាំថ្មីប្រឆាំងអំពើពុករលួយ ៕
ចែករំលែកព័តមាននេះ