រាជធានីភ្នំពេញ ៖ ម៉ូតូចំនួន៣គ្រឿងជិះក្នុងល្បឿនលឿនបុកបន្តកន្ទុយគ្នានៅចំណុចច្រមុះជ្រូកស្ទឹងមានជ័យ តាមបណ្តោយផ្លូវព្រះមុនីរ៉េត ក្នុងភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ កាលពីវេលាម៉ោង៨និង១០នាទីយប់ថ្ងៃទី២១ សីហា បណ្តាលឱ្យមនុស្ស២នាក់រងរបួសធ្ងន់ និងម្នាក់ទៀតរបួសស្រាល ។
នគរបាលចរាចរបានឱ្យដឹងថា ម៉ូតូទាំង៣គ្រឿងខាងលើ ១-ម៉ាកគុបជ្រុង៩០ ពណ៌ទឹកសមុទ្រ បើកដោយបុរសឈ្មោះកៅ រិទ្ធ អាយុ១៩ឆ្នាំ ជានិស្សិត ស្នាក់នៅក្រុមទី៤ ភូមិឫស្សី សង្កាត់ស្ទឹងមានជ័យ ខណ្ឌមានជ័យ របួសធ្ងន់ ២-ម៉ូតូម៉ាកគុបសេ៥០ ពណ៌ទឹកសមុទ្រ បើកដោយបុរសឈ្មោះរ៉ា ខេន អាយុ២៥ឆ្នាំ ជាកម្មករសំណង់ ស្នាក់នៅផ្ទះជួលសង្កាត់ស្ទឹងមានជ័យ របួសធ្ងន់និងទី៣-ម៉ូតូម៉ាកឌ្រីម ស៊េរី១៩៩៩ ពណ៌ខ្មៅ បើកដោយបុរសឈ្មោះនី អាយុ៣៨ឆ្នាំ រងរបួសស្រាល ។
សាក្សីឃើញហេតុការណ៍ប្រាប់សមត្ថកិច្ចថា ម៉ូតូម៉ាកគុបជ្រុងសេ៩០ បានជិះស្របទិសគ្នាជាមួយម៉ូតូម៉ាកឌ្រីម សេ៊រី១៩៩៩ ក្នុងទិសដៅពីជើងទៅត្បូង តាមបណ្តោយផ្លូវព្រះមុនីរ៉េត ដោយជិះក្នុងល្បឿនលឿន ។ លុះមកដល់ចំណុចកើតហេតុ ស្រាប់តែមានម៉ូតូមួយគ្រឿងម៉ាកគុបជ្រុងសេ៥០ បើកបោះពួយយ៉ាងលឿនក្នុងទិសដៅបញ្ច្រាសគ្នា បុកគ្នាពេញទំហឹងតែម្តង បណ្តាលឱ្យម្ចាស់ម៉ូតូគុបជ្រុងសេ៩០ និងម្ចាស់ម៉ូតូគុបជ្រុងសេ៥០ រងរបួសធ្ងន់ និងម្ចាស់ម៉ូតូឌ្រីមស៊េរី១៩៩៩ របួសស្រាល ត្រូវបានបញ្ជូនទៅសង្គ្រោះនៅមន្ទីរពេទ្យ។ ចំណែកម៉ូតូទាំង២គ្រឿងរងការខូចខាតមទាំងស្រុង ត្រូវបាននគរបាលចរាចរយកទៅរក្សាទុកនៅអធិការដ្ឋាននគរបាលខណ្ឌមានជ័យ ដើម្បីរង់ចាំការដោះស្រាយ ៕
ចែករំលែកព័តមាននេះ