ខេត្តកំពង់ឆ្នាំង ៖ កម្មកររោងចក្រ M.V ជាច្រើននាក់បានដួលសន្លប់ជាបន្តបន្ទាប់ ខណៈដែលពួកគេកំពុងធ្វើការ កាលពីវេលាម៉ោង១០និង៣០នាទីព្រឹកថ្ងៃទី២១ សីហា នៅក្នុងរោងចក្រ ស្ថិតក្នុងភូមិត្រពាំងចឹក្សា សង្កាត់កំពង់ឆ្នាំង ក្រុងកំពង់ឆ្នាំង ។
ទោះបីយ៉ាងណារថយន្តរបស់មន្ទីរពេទ្យខេត្តចំនួន២គ្រឿងបានដឹកបញ្ជូនកម្មករទាំងនោះចេញពីរោងចក្រទៅកាន់មន្ទីរពេទ្យដើម្បីសង្គ្រោះបន្ទាន់ផងដែរ ដែលមានចំនួន២ជើង ស្មើ៤ រថយន្ត និងមានកម្មករចំនួន២២នាក់ ។ នេះឡឺជាការដួលសន្លប់លើកទី២ហើយក្នុងខែសីហានេះ ដែលកម្មកររោងចក្រ M.V ខេត្តកំពង់ឆ្នាំង ដួលសន្លប់រហូតដល់ជាង១០០នាក់ឯណោះ ។
តាមតួលេខពិតប្រាកដគិតត្រឹមម៉ោង១០និង៥០នាទីព្រឹកថ្ងៃដដែលនេះចំនួនកម្មករដែលបានដឹកចូលក្នុងមន្ទីរពេទ្យ គឺមានចំនួន២២នាក់ ។ បើតាមសេចក្តីរាយការណ៍របស់មន្ត្រីប៉ូលិសដែលបានជួយអន្តរាគមន៍ក្នុងហេតុការណ៍ខាងលើនេះបាននិយាយថា ចំនួនកម្មករដែលកំពុងសង្គ្រោះក្នុងមន្ទីរពេទ្យមានចំនួន២២នាក់ ដែលពួកគេធ្វើការនៅអគារ L និងអគារលេខ៥ ។ ចំណែកមូលហេតុគឺមិនខុសពីលើកមុននោះទេ គឺឃើញម្នាក់ដួលសន្លប់អ្នកឯទៀតទន់ដៃទន់ជើងសន្លប់បន្ត ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ