បណ្តារដ្ឋអាជ្ញាថ្លែងកាលពីថ្ងៃទី២០ សីហា ថា បាតុករមួយចំនួនដែលត្រូវចាប់ខ្លួនពីបទប្រើហិង្សាបង្ហូរឈាមក្នុងអណ្តូងរ៉ែបា្លទីនមួយនៅអាហ្វ្រិកខាងត្បូង ត្រូវប្រឈមមុខនឹងការកាត់ទោសពីបទសម្លាប់មនុស្ស ។បណ្តាមនុស្សដែលចាប់ខ្លួនជាប់សង្ស័យថា ប្រើអំពើហិង្សាដើម្បីតវ៉ាប្រឆាំងនឹងលក្ខខណ្ឌការងារអាក្រក់នៅអណ្តូងរ៉ែបា្លទីន LONMIN DE MARIKANA ជាកន្លែងដែលការប៉ះទង្គិចគ្នារវាងពួកកម្មកររ៉ែ និងប៉ូលិស បណ្តាលឱ្យមនុស្សស្លាប់៣៤នាក់ និងរបួស៧៨នាក់ កាលពីថ្ងៃទី១៦ សីហា កន្លងមកនេះ ។
ម្យ៉ាងវិញទៀតមនុស្ស១០នាក់ត្រូវស្លាប់ក្នុងនោះមានប៉ូលិស២នាក់ក្នុងរយៈពេល១សប្តាហ៍នៃជម្លោះរវាងពួកសហជីពកម្មកររ៉ែដែលប្រជែងគ្នា ។សរុបបាតុករ២៥៩នាក់ ត្រូវចាប់ខ្លួនក្រោយការប៉ះទង្គិចគ្នានានា ។ ពួកនេះត្រូវបាននាំជាលើកដំបូងកាលពីថ្ងៃទី២០ សីហា ទៅកាន់តុលាការមួយភាគខាងជើងទីក្រុងប្រេតូវីយ៉ា ៕
ចែករំលែកព័តមាននេះ