ជាទូទៅបុគ្គលិកបំពេញការងារនៅក្នុងអង្គការ ស្ថាប័នមួយ តែងតែមានបញ្ហាបន្តិចបន្តួចកើតឡើង នៅពេលដែលការងារទាំងនោះមិនបានសម្រេចដូចបំណង ឬការគ្រោងទុករបស់ពួកគេ ។
ម្យ៉ាងទៀត បរិយាកាសការងារនៅកន្លែងធ្វើការដូចជា ការមិនស៊ីសង្វាក់ជាមួយមិត្តរួមការងារ, ចៅហ្វាយនាយស្តីបន្តោស, អតិថិជន ឬភាពស្មុគស្មាញក្នុងការងារផ្ទាល់ខ្លួន នាំឱ្យកើតជាបញ្ហា ហើយបញ្ហាទាំងនោះវានឹងដក់នៅក្នុងចិត្តរហូត បើសិនពុំមានដំណោះស្រាយណាមួយ។ ជាងនេះទៅទៀត វាអាចបណ្តាលឱ្យកើតមានជំងឺ Stress ដែលនាំឱ្យមហន្តរាយទាំងផ្លូវចិត្ត និងផ្លូវកាយដល់ខ្លួនឯង ។
នៅក្នុងគេហទំព័រអ៊ាស៊ីវ័ន ចេញផ្សាយថ្ងៃទី២០ សីហា ២០១២ បានបង្ហាញនូវគន្លឹះសំខាន់មួយដើម្បីបន្ធូរអារម្មណ៍តានតឹងនៅពេលដែលយើងមានបញ្ហានៅកន្លែងធ្វើការ ដោយបានបកស្រាយថា នៅពេលមានបញ្ហាអ្វីមួយដែលយើងដោះស្រាយមិនចេញ ចូរដកដង្ហើមឱ្យវែង រួចដើរចេញទៅក្រៅបន្តិច សំឡឹងមើលទេសភាព នៅជុំវិញខ្លួន ឬពិសាទឹកតែមួយពែងដើម្បីបន្ធូរអារម្មណ៍តានតឹង រួចត្រឡប់ទៅបំពេញកិច្ចការវិញ ហើយត្រូវស្វែងរកវិធីសាស្ត្រ និងប្រាកដថា បញ្ហាទាំងនោះនឹងមិនកើតមានមកលើខ្លួនឯងម្តងទៀតជាដាច់ខាត ៕
ចែករំលែកព័តមាននេះ