ម៉ាស៊ីនឃោសនាក្នុងស្រុករាយការណ៍ថា មនុស្ស២៥នាក់ បានត្រូវស្លាប់ហើយ៤៣នាក់ ទៀត ត្រូវរបួសក្នុងការបះបោរមួយដែលកើតមានពីយប់ថ្ងៃទី១៩ សីហា មកព្រឹកថ្ងៃទី២០ សីហា ក្នុងពន្ធនាគារមួយនាភាគខាងជើងវេណេស៊ុយអេឡា ។ ក្នុងបទសម្ភាសន៍មួយជាមួយទូរទស្សន៍ក្នុងស្រុករដ្ឋមន្ត្រីទទួលបន្ទុកសេវាកម្មពន្ធនាគារវេណេស៊ុយអេឡា លោកវ៉ារីឡា អីុរីស អះអាងថា ការបះ បោរនោះ កើតមានក្នុងពន្ធនាគារ YARE ទី១ ក្នុងរដ្ឋមីរ៉ានដា ។ សមាជិកម្នាក់ក្នុងចំណោមសមាជិកគ្រួសារអ្នកទោសម្នាក់ ស្ថិតក្នុងចំណោមជនរងគ្រោះ ។
ម៉ាស៊ីនឃោសនាក្នុងស្រុកគូសបញ្ជាក់ថា ជនរងគ្រោះភាគច្រើនជាអ្នកទោសក្នុងផ្នែកពន្ធនាគារនោះហៅផ្នែក LA FOSA ដែលនៅទីនោះពួកអ្នកទោសពុំមានលទ្ធភាពបង់ប្រាក់ថ្លៃ ការពារប្រចាំខែដល់ក្រុម ដែលត្រួតត្រាផ្នែកនេះ។លោកហ៊ុម ប័រតូ ប្រាដូ នាយកនៃអង្គការត្រួតពិនិត្យពន្ធនាគារជាអង្គការក្រៅរដ្ឋាភិបាលវេណេស៊ុុយអេឡាមួយនិយាយថា សាកសពមនុស្ស២៥នាក់ ត្រូវបានបញ្ជូនទៅកាន់កន្លែងដាក់សពមូលដ្ឋាននាព្រឹកថ្ងៃទី២០ សីហា និងថាអ្នករបួស៤៣នាក់ ត្រូវបានបញ្ជូនទៅកាន់មន្ទីរពេទ្យផ្សេងៗ ។
លោកវ៉ារឺឡាថ្លែងថា ការប៉ះទង្គិចគ្នាផ្ទុះឡើងរវាងក្រុម២ ប្រជែងគ្នាប្រដាប់ដោយអាវុធ ដើម្បីដណ្តើមការត្រួតត្រាក្នុងពន្ធនាគារនោះ ។ លោកបានសន្យាដាក់ទោសពួកអ្នកដែលជាប់ពិរុទ្ធលើការបង្កឱ្យមានមនុស្សស្លាប់ និង របួសយ៉ាងច្រើនក្នុងពន្ធនាគារ ៕
ចែករំលែកព័តមាននេះ