លទ្ធផលស្រាវជ្រាវពីការជក់បារី ក្នុងចំណោម១៦ប្រទេសសរុបមានប្រជាជនជាង៣.០០០លាននាក់ របស់ក្រុមស្រាវជ្រាវនៃមហាវិទ្យាល័យបាហ្វហ្វាឡូ រដ្ឋញូវយ៉ក សហរដ្ឋអាមេរិក ដែលចុះផ្សាយនៅក្នុងឯកសារវេជ្ជសាស្រ្តលែនសេត កាលពីថ្ងៃទី១៧ សីហា ឃើញថា បញ្ហាគួរឱ្យបារម្ភបំផុតក្នុងប្រទេសកំពុងអភិវឌ្ឍន៍គឺមានស្ត្រីជក់បារីកើនឡើង ។
លទ្ធផលស្រាវជ្រាវនោះ បានត្រួតពិនិត្យពីសកម្មភាពជក់បារីរបស់អ្នកមានអាយុពី១៥ឆ្នាំឡើង នៅបង់ក្លាដេស ប្រេស៊ីល ចិន អេហ្ស៊ីប ឥណ្ឌា មិចស៊ិក សហរដ្ឋអាមេរិក និងថៃពីឆ្នាំ២០០៨ដល់២០១០ ឃើញថា មានបុរសប្រហែល៤៨,៦ភាគរយ និងស្ត្រី១១,៣ភាគរយ ជក់បារី ក្នុងនោះនៅប្រទេសក្រីក្រ និងប្រទេសកំពុងអភិវឌ្ឍន៍ ស្ត្រីជក់បារីមានចំនួនច្រើន ។
ប្រទេសដែលមានអ្នកជក់បារីច្រើនបំផុតគឺរុស្ស៊ី មានអាយុចាប់ពី១៥ឆ្នាំឡើង មានប្រហែល៣៩,១ភាគរយ បន្ទាប់ពីប្រទេសតួកគី មាន៣១,២ភាគរយ ប៉ូឡូញមាន៣០,៣ភាគរយ ហ្វ៊ីលីពីនមាន២៨,២ភាគរយ និងចិនប្រហែល២៨,១ភាគរយ ។នៅក្នុងរបាយការណ៍បញ្ជាក់ថា នៅប្រទេសក្រីក្រ និងកំពុងអភិវឌ្ឍន៍គោលនយោបាយក្នុងការទប់ស្កាត់ការជក់បារីនៅមិនទាន់តឹងរ៉ឹងទេ ៕
ចែករំលែកព័តមាននេះ