កីឡាករបាល់ទាត់ រ៉ូប៊ីន វ៉ាន ពើស៊ី ខ្សែប្រយុទ្ធថ្មីរបស់ Man Utd បាននាំប្រពន្ធទៅពិសាអាហារពេលល្ងាចក្នុងហាងរ៉ូសូ (ROSSO) របស់កីឡាកររីយ៉ូ ហ្វើឌីណង់ មិត្តរួមក្លិប ដើម្បីប្រារព្ធពិធីការផ្លាស់ក្លិបថ្មីរបស់ខ្លួន ។ទីភ្នាក់ងារព័ត៌មានបរទេស ផ្សាយឱ្យដឹងថា កីឡាកររ៉ូប៊ីន វ៉ាន ពើស៊ី ខ្សែប្រយុទ្ធរបស់ក្លិប Man Utd បាននាំប្រពន្ធរបស់ខ្លួនទៅចូលរួមក្នុងពិធីផ្លាស់ក្លិប ដោយពិសាអាហារពេលល្ងាចនៅភោជនីយដ្ឋានអុីតាលី របស់កីឡាកររីយ៉ូ ហ្វើឌីណង់ ជាមិត្តរួមក្លិប ។
វត្តមានរបស់អតីតប្រធានក្រុមក្លិបកាំភ្លើងធំ Arsenal ដែលទើបចុះហត្ថលេខាលេងឱ្យក្លិប Man Utd ក្នុងតម្លៃខ្លួន២២លានផោន កាលពីថ្ងៃសុក្រ កន្លងមក ក្លាយជាគោលដៅចំណាប់អារម្មណ៍របស់ទីភ្នាក់ងារព័ត៌មាន និងអ្នកគាំទ្រភ្លាមៗ បន្ទាប់ពីគេបង្ហាញមុខនៅឯហាងរ៉ូសូ ដែលមានកីឡាកររីយ៉ូ ហ្វើឌីណង់ ខ្សែការពាររបស់ក្លិប Man Utd ជាម្ចាស់ ខណៈពេលខ្សែប្រយុទ្ធអាយុ២៩ឆ្នាំ ស្ថិតក្នុងឈុតអាវដៃវែងពណ៌ខ្មៅ និងស្លៀកខូវប៊យ រួមដំណើរជាមួយនាងប៊ូចឆារ៉ា អាយុ២៨ឆ្នាំ ជាប្រពន្ធ ៕
ចែករំលែកព័តមាននេះ