ខេត្តកំពង់ធំ ៖ អំណោយដ៏ថ្លៃថ្លារបស់លោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា តាមរយៈកាកបាទក្រហមខេត្តកំពង់ធំ ត្រូវបានលោកជា ជាតិ ប្រធានសាខាកាកបាទក្រហមខេត្ត និងលោកជំទាវ ខៀវ ស៊ីណា ជា ចាន់តូ អនុប្រធានកិត្តិ យសសាខាកាកបាទក្រហមខេត្តកំពង់ធំ និងក្រុមការងារ កាលពីថ្ងៃទី១៩ សីហា ឆ្នាំ២០១២ បានអញ្ជើញ
ខេត្តកំពង់ធំ ៖ អំណោយដ៏ថ្លៃថ្លារបស់លោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា តាមរយៈកាកបាទក្រហមខេត្តកំពង់ធំ ត្រូវបានលោកជា ជាតិ ប្រធានសាខាកាកបាទក្រហមខេត្ត និងលោកជំទាវ ខៀវ ស៊ីណា ជា ចាន់តូ អនុប្រធានកិត្តិ យសសាខាកាកបាទក្រហមខេត្តកំពង់ធំ និងក្រុមការងារ កាលពីថ្ងៃទី១៩ សីហា ឆ្នាំ២០១២ បានអញ្ជើញចុះទៅសួរសុខទុក្ខប្រជាពលរដ្ឋខ្វះខាត និងស្ត្រីមេម៉ាយចំនួន១គ្រួសារ ដែលទទួលរងនូវភ្លើងឆេះផ្ទះនៅភូមិអូរទឹកថ្លា ឃុំក្រយា ស្រុកសន្ទុក ។
មានប្រសាសន៍សំណេះសំណាលជាមួយប្រជាពលរដ្ឋនាឱកាសនោះ លោកជំទាវ ខៀវ ស៊ីណា ជា ចាន់តូ បានមានប្រសាសន៍ថា អំណោយដែលយកមកចែកជូនបងប្អូននាពេលនេះជាអំណោយរបស់លោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ។ សម្តេច និងលោកជំទាវតែងតែយកចិត្តទុកដាក់ជានិច្ចចំពោះសុខទុក្ខរបស់ប្រជាពលរដ្ឋនៅទូទាំងប្រទេស ពិសេសស្ត្រីមេម៉ាយក្រីក្រ ចាស់ជរាគ្មានទីពឹង ទោះបីមិនបានអញ្ជើញមកផ្ទាល់យ៉ាងណាក៏ដោយ សម្តេចតេជោ និងលោកជំទាវ បានណែនាំដល់ក្រុមការងារឱ្យចុះមកជួយជាបន្តបន្ទាប់ ជាក់ស្តែងអំណោយដែលបានប្រគល់ជូននាពេលនេះជាសក្ខីភាពបញ្ជាក់យ៉ាងច្បាស់ថា ទីណាមានការលំបាកទីនោះមានសម្តេចចុះជួយជានិច្ចដើម្បីឱ្យប្រជាពលរដ្ឋរួចចាកផុតពីភាពក្រក្រី ។ ដូចនេះយើងពិតជាមានមោទនភាពណាស់ ព្រោះយើងមានថ្នាក់ដឹកនាំប្រទេសល្អដូចជាសម្តេចទាំងបីដែលចេះស្គាល់ពីសុខទុក្ខពិតប្រាកដរបស់ប្រជាពលរដ្ឋយើង ។
អំណោយរបស់សម្តេច និងលោកជំទាវ ជូនដល់គ្រួសារក្រីក្រចំនួន៣គ្រួសារ រួមមានក្នុង១គ្រួសារៗទទួលបានអង្ករ៥០គីឡូក្រាម ឃីត១កញ្ចប់ ទឹកត្រី២យួរ ទឹកស៊ីអីុវ២យួរ មីយើង១កេស ទឹកបរិសុទ្ធ១កេស ត្រីខ២យួរ ឆ្នាំងបាយ ឆ្នាំងសម្ល ចានដែក ចានបាយ ធុងទឹក១ និងថវិកា ចំនួន២០ម៉ឺនរៀល ។ ជាមួយគ្នានោះដែរ លោកជំទាវបានប្រកាសជួយសាងសង់លំនៅឋានជូនប្រជាពលរដ្ឋក្រីក្រចំនួន២គ្រួសារ ដោយទុកឱ្យឃុំជាអ្នកដោះស្រាយដីក្នុងការសាងសង់ ។
នៅក្នុងឱកាសនោះដែរ ក្រុមយុវជនស្ម័គ្រចិត្តក្រុមទី៨០របស់សម្តេចតេជោ ដែលបានចុះមកបំពេញការងារជាប្រវត្តិសាស្ត្រជូនរាជរដ្ឋាភិបាលដើម្បីផ្តល់សិទ្ធិពេញលេញជូនប្រជាពលរដ្ឋនៅក្នុងការកាន់កាប់ដីធ្លីស្របច្បាប់ បានរាយការណ៍ជូនគណៈប្រតិភូអំពីលទ្ធផលដែលសម្រេចបាននៅឃុំបឹងល្វា ភូមិអូរសោម ភូមិដំបូកខ្ពស់ និងភូមិបង្គីតាំងរ៉េន បាន១.៦០៤ហិកតា ស្មើនឹង៨៥៦ក្បាលដី និងភូមិអូរទឹកថ្លា ជិត៥០០ហិកតា ដែលភូមិទាំងនោះមានព្រំប្រទល់ខាងត្បូងជាប់ខេត្តកំពង់ចាម ខាងជើងជាប់ខេត្តក្រចេះ ។
គណៈប្រតិភូក៏បានប្រគេនទេយ្យទានដល់ព្រះសង្ឃដែលគង់នៅវត្តគង្គាររស្មីរួមមានមី ត្រីខ ទឹកក្រូច ទឹកដោះគោ ស្ករស តែ បច្ច័យ២០ម៉ឺនរៀល និងសម្រាប់កសាងសមិទ្ធផលក្នុងវត្ត៥៣ម៉ឺនរៀលផងដែរ ៕
ចែករំលែកព័តមាននេះ