ADផ្ទាំងផ្សព្វផ្សាយពាណិជ្ជកម្ម

ប្តីវាយប្រពន្ធ និងកូនអាយុជាង១ខែឱ្យសន្លប់ត្រូវសមត្ថកិច្ចឃាត់ខ្លួន

13 ឆ្នាំ មុន

២១ ខែ សីហា ឆ្នាំ ២០១២ ម៉ោង ០៩:០៧

ខេត្តកំពង់ស្ពឺ ៖ អំពើហិង្សាក្នុងគ្រួសារមួយបានកើតឡើងនៅចំណុចអូរដីស ស្ថិតក្នុងភូមិព្រីង ឃុំត្រែងត្រយឹង ក្នុងទឹកដីស្រុកភ្នំស្រួច ដែលបង្កឡើងដោយបុរសជាប្តីបានគំរាមកំហែង និងវាយប្រពន្ធ នឹងកូនអាយុជាង១ខែរបស់ខ្លួនឱ្យសន្លប់ កាលពីវេលាម៉ោង៣និង៣០នាទីរសៀលថ្ងៃទី១៨ សីហា ២០១២ ។

ជនដៃដល់ជាប្តីឈ្មោះឈន ឆាត អាយុ៣៤ឆ្នាំ និងស្ត្រីរងគ្រោះដែលត្រូវប្តីវាយឱ្យសន្លប់ជាមួយនឹងកូននោះឈ្មោះសៀន ដាលីន អាយុ២០ឆ្នាំ ។ ដោយមានការអន្តរាគមន៍ពីអ្នកជិតខាងបានរាយការណ៍ដល់សមត្ថកិច្ចទាន់ពេលវេលានោះបុរសជាប្តីត្រូវបានចាប់ឃាត់ខ្លួន បញ្ជូនមកមេបញ្ជាការប៉េអឹមខេត្ត ដើម្បីកសាងសំណុំរឿងបញ្ជូនទៅកាន់សាលាដំបូងខេត្តចាត់ការតាមផ្លូវច្បាប់ ។