ក្រុមមន្ត្រីផ្លូវការក្នុងទីក្រុងដាឡាសបានប្រកាសអាសន្នជាសាធារណៈមួយស្តីពីសុខភាពថា បណ្តាទីក្រុងជាច្រើននៅក្នុងរដ្ឋតិចសាស់របស់សហរដ្ឋអាមេរិក បានចាប់ផ្តើមបង្កើនការប្រយុទ្ធប្រឆាំងចំពោះការកើតឡើងរបស់ពពួកសត្វមូស គឺក្នុងគោលបំណងកាត់បន្ថយការចម្លងមេរោគ វ៉េសនីលវីរុស (West Nile virus) ដែលអាចបង្កឱ្យមានគ្រោះថ្នាក់ និងបាត់បង់ដល់អាយុជីវិតមនុស្សទៀតផង ។
ក្រុមមន្ត្រីខាងលើ បានស្នើសុំឱ្យមានការប្រើប្រាស់យន្តហោះចំនួនប្រាំគ្រឿង ដើម្បីជាឧបករណ៍ជំនួយដល់ការបាញ់ថ្នាំសម្លាប់សត្វល្អិត ជាពិសេសថ្នាំសម្លាប់មូសនៅភាគខាងជើងនៃទីក្រុងដាឡាស និងបណ្តាទីក្រុងផ្សេងៗទៀតផងដែរ ។ លោកធីម វីតលី ជាមន្ត្រីក្នុងក្រុងម៉ាឡាកុបបានរាយការណ៍ប្រាប់សារព័ត៌មានវីគីញូ ឱ្យដឹងថា នៅក្នុងទីក្រុងរបស់លោកបានចាប់ផ្តើមប្រើថ្នាំសម្លាប់សត្វចង្រៃក្នុងការបាញ់សម្លាប់មូស២ដងក្នុងមួយសប្តាហ៍ដែលការបាញ់នេះត្រូវបានធ្វើឡើងជារៀងរាល់សប្តាហ៍។
យោងតាមប្រសាសន៍របស់លោក ធីម បានបន្ថែមទៀតថា ប្រភេទមូសដែលកើតមានច្រើននោះ គឺវីនស្ពីដ និងហ៊ូមីឌីធី ។ យើងត្រូវតែបាញ់សម្លាប់វាមុនពេលវាធំធាត់ ព្រោះវាជាប្រភេទមូសដែលចម្លងដ៏ខ្លាំងបំផុត ។ គាត់បន្ថែមទៀតថា ការបាញ់សម្លាប់២ដងក្នុងមួយសប្តាហ៍វាមានភាពប្រសើរជាងការបាញ់ធម្មតា ព្រោះពួកយើងមានការព្រួយបារម្ភចំពោះសុខភាពមនុស្សក្នុងទីក្រុង ។ ម្យ៉ាងទៀតភាពរាំងស្ងួតគេបានរកឃើញថា មានមូសប្រភេទនេះដែលផ្ទុកមេរោគនៅក្នុងតំបន់អាប៊ីឡិនដែលធ្វើឱ្យពួកគេបង្កើនការប្រយុទ្ធប្រឆាំងបន្ថែម ។
យោងតាមប្រសាសន៍របស់ក្រុមវេជ្ជបណ្ឌិតបានឱ្យដឹងថា មានចំនួន៨០ករណីដែលត្រូវបានវាយប្រហាដោយសត្វមូស ដែលផ្ទុកដោយមេរោគវ៉េសនីលវីរុសនេះ នៅទីក្រុងដាឡាសតែមួយ។ មន្ត្រីជាន់ខ្ពស់បានឱ្យដឹងជុំវិញបញ្ហាមួយចំនួនដែលទាក់ទងនឹងមូលហេតុនេះថា វាជាបញ្ហាយ៉ាងធំធេងដែលយើងកំពុងតែមានការព្រួយបារម្ភជាខ្លាំង ។ ទន្ទឹមនេះដែរក៏មាន៩ករណី ក្នុងនោះមាន១ករណីត្រូវបានស្លាប់បាត់បង់ជីវិតដោយសារមេរោគនេះ ។
ស្ត្រីម្នាក់នៅក្នុងរដ្ឋញូអាចិនសីុ ដែលសព្វថ្ងៃរស់នៅភូមិលុបបុក បានរាយការណ៍ប្រាប់សារព័ត៌មានឱ្យដឹងកាលពីដើមខែនេះថា នាងត្រូវទទួលរងនូវការចម្លងមេរោគដោយការខាំរបស់ពពួកមូសនេះ ក្នុងខណៈធ្វើដំណើរកម្សាន្តទៅអូស្ទីន ហើយតាមការប៉ាន់ស្មាន គឺមាន៦០ភាគរយនៃពពួកមេរោគវ៉េសនីលនេះ កើតឡើងនៅក្នុងរដ្ឋតិចសាស់ ៕
ចែករំលែកព័តមាននេះ