ការត្រួតពិនិត្យលើម៉ាស៊ីនឃោសនា ដែលមានចាប់តាំងពីកន្លះសតវត្សមកហើយនៅភូមា ដែលធ្វើឱ្យប្រទេសនេះជាប្រទេសយ៉ាប់យ៉ឺនជាងគេបំផុតលើពិភពលោកខាងសេរីភាពសារព័ត៌មាននោះ ត្រូវលុបចោលហើយកាលពីថ្ងៃទី២០ សីហាដែលនោះជាដំណាក់កាលចម្បងសម្រាប់ផ្នែកមួយដែលសម្រួលជាបន្តបន្ទាប់ដល់ការកែទម្រង់នយោបាយដែលកំពុងធ្វើ ចាប់តាំងពី១៨ខែមកហើយ ។
នាយកដ្ឋានចុះបញ្ជី និងត្រួតពិនិត្យសារព័ត៌មាន PSRD នៃក្រសួងព័ត៌មានភូមា បានអនុញ្ញាតឱ្យកាសែតទាំងឡាយក្នុងប្រភេទនយោបាយ និងសាសនាចេញផ្សាយ ដែលពុំចាំបាច់ផ្ញើអត្ថបទមកត្រួតពិនិត្យជាមុន ។លោកទីន ស្វី អតីតនាយទាហាន ដែលដឹកនាំនាយកដ្ឋាន PSRD ថ្លែងថា ប្រព័ន្ធត្រួតពិនិត្យដែលចាប់ផ្តើមពីថ្ងៃទី៦ សីហា ឆ្នាំ១៩៦៤ មកត្រូវបានបញ្ជប់ហើយ ។
យោងតាមអង្គការអ្នកយកព័ត៌មានគ្មានព្រំដែន RSF ថា ភូមារហូតមកទល់ពេលនេះ មានចំណាត់ថ្នាក់ទី១៦៩ លើ១៧៩ ប្រទេសខាងផ្នែកសេរីភាពសារព័ត៌មាន ។ ក៏ប៉ុន្តែអ្នកកាសែតជាច្រើនដែលជាប់ឃុំឃាំងត្រូវបានដោះលែងរយៈពេលប៉ុន្មានខែចុងក្រោយនេះ ក៏ដូចជាអ្នកទោសនយោបាយដទៃៗទៀតដែរ ហើយអីុនធើរណេតទាំងឡាយពីមុន ត្រូវរាំងខ្ទប់ដូចជាអីុនធើរណេតរបស់ BBC និងបណ្តាម៉ាស៊ីនឃោសនារបស់ពួកភូមារស់នៅនិរទេសជាដើម ឥឡូវអាចបើកចេញហើយ ៕
ចែករំលែកព័តមាននេះ