ខេត្តប៉ៃលិន ៖ គ្រោះថ្នាក់ចរាចរណ៍មួយបានកើតឡើង ដោយសារតែការបើកបរមិនប្រុងប្រយ័ត្នធ្វើឱ្យរថយន្តម៉ាកតូយ៉ូតាហ្វរ៉ាន់ណឺ ពណ៌ប្រផេះ មួយគ្រឿង បើកដោយបុរសម្នាក់ទៅបុកជាមួយនឹងម៉ូតូវីវ៉ា ពណ៌ខ្មៅមួយគ្រឿង បើកដោយបុរសម្នាក់។ ហេតុការណ៍នេះបានកើតឡើងកាលពីវេលាម៉ោង៣និង៥នាទីរសៀលថ្ងៃទី១៩ សីហា ២០១២ នៅត្រង់ចំណុចផ្លូវកែងភូមិរថក្រោះឆេះ និងភូមិអូរបេង ឃុំស្ទឹងកាច់ ស្រុកសាលាក្រៅ ។
ប្រភពព័ត៌មានពីសមត្ថកិច្ចចរាចរឱ្យដឹងថា រថយន្តបង្កគ្រោះថ្នាក់មួយគ្រឿងនេះម៉ាកតូយ៉ូតា ហ្វរ៉ាន់ណឺ (4Runner) ពណ៌ប្រផេះ ជិះគ្នា២នាក់ បើកដោយបុរសម្នាក់ឈ្មោះង៉ែត ខន្តី អាយុ៣៥ឆ្នាំ និងបុរសម្នាក់រួមដំណើរជាមួយឈ្មោះងួន ងន អាយុ៥៥ឆ្នាំ អ្នកទាំង២នាក់រស់នៅភូមិកាកាប ខណ្ឌដង្កោ រាជធានីភ្នំពេញ ក្នុងទិសដៅពីកើតទៅលិច លុះដល់ចំណុចកើតហេតុ ស្រាប់តែរថយន្តមួយគ្រឿងនេះបានបើកទៅបុកម៉ូតូម៉ាកវីវ៉ា ពណ៌ខ្មៅ ស៊េរី២០០៩ បើកដោយបុរសម្នាក់ឈ្មោះរស់ សំអឿន ភេទប្រុស អាយុ៤៩ឆ្នាំ ។ ក្រោយពេលកើតហេតុម្ចាស់រថយន្តបង្កបានសងថ្លៃខូចខាតដល់ម្ចាស់ម៉ូតូចំនួន២លាន៥សែនរៀល និងធានាជួសជុលម៉ូតូដែលខូចខាតដល់ជនរងគ្រោះ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ