ខេត្តកំពង់ធំ ៖ ក្រុមចោរគ្នា៣នាក់ ដែលបានធ្វើសកម្មភាពលួចក្របីរបស់ប្រជាពលរដ្ឋ ២ក្បាលយកទៅលាក់ទុកក្នុងព្រៃហើយត្រូវបានគេប្រទះឃើញរត់ទៅប្ដឹងប៉ូលិសចាប់វាយខ្នោះត្រូវបានសមត្ថកិច្ចកសាងសំណុំរឿងបញ្ជូនទៅកាន់ស្នងការដ្ឋាននគរបាលខេត្ដ កាលពីវេលាម៉ោង៤និង៥៥នាទីរសៀល ថ្ងៃទី១៩ សីហា ២០១២។
តាមប្រភពព័ត៌មានឱ្យដឹងថា ម្ចាស់ក្របីឈ្មោះយ៉េង ភាព ភេទប្រុស អាយុ៣៤ឆ្នាំ រស់នៅភូមិស្វាយ ឃុំស្រើង ស្រុកប្រាសាទសំបូរ បានបាត់ក្របីឈ្មោលពីរក្បាលធំៗ កាលពីថ្ងៃទី១៦ សីហា ២០១២ កន្លងមក ដោយត្រូវក្រុមចោរលួចយកទៅលាក់ទុកនៅក្នុងព្រៃតំបន់ត្រពាំងក្រវ៉ាន់ ស្ថិតក្នុងភូមិទីពោ ស្រុកសន្ទុក ដើម្បីលក់បន្ដឱ្យពួកឈ្មួញ តែសំណាងល្អត្រូវប្រជាពលរដ្ឋប្រទះឃើញរត់ទៅរាយការណ៍ប្រាប់នគរបាល ទើបឈានដល់ការចាប់ខ្លួនក្រុមចោរទាំង៣នាក់នេះ ១-ឈ្មោះអូន អន ភេទប្រុស អាយុ៥២ឆ្នាំ រស់នៅភូមិថ្មី ឃុំទីពោ ស្រុកសន្ទុក ២-ឈ្មោះប៉ាង ធិប ភេទប្រុស អាយុ៣១ឆ្នាំ រស់នៅភូមិត្នោតជុំទី២ ឃុំត្នោតជុំ ស្រុកបារាយណ៍ និង៣-ឈ្មោះធី លីម ភេទប្រុស អាយុ២៤ឆ្នាំ រស់នៅភូមិត្នោតជុំទី១ ឃុំត្នោតជុំ ស្រុកបារាយណ៍។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ