រាជធានីភ្នំពេញ ៖ កម្មករ កម្មការនីរោងចក្រកាត់ដេរអូ សេ អង់ ប្រមាណជាង៣០០០នាក់ បាននាំគ្នាធ្វើកូដកម្មនៅខាងមុខរោងចក្ររយៈពេលមួយសបា្តហ៍មកហើយ ដោយទាមទារសុំឱ្យថៅកែរោងចក្រដកឈ្មោះហ្វា រ៉ុក ប្រធានសង្វាក់ផលិតកម្មចេញពីរោងចក្រ លុះគ្មានដំណោះស្រាយក៏នាំគ្នាបម្រុងហែក្បួនចូលរាជធានីភ្នំពេញ តែត្រូវបានកម្លាំងប៉ូលិសប្រហែល២០០នាក់ រារាំងទប់សង្កាត់ទាន់ពេល កាលពីវេលាម៉ោង៨ និង៣០នាទីព្រឹកថ្ងៃទី២០ សីហា ២០១២ ស្ថិតក្នុងភូមិព្រៃទា សង្កាត់ចោមចៅ ខណ្ឌពោធិ៍សែនជ័យ ។
ប្រភពព័ត៌មានឱ្យដឹងថា ការដែលកម្មករនាំគ្នាធ្វើកូដកម្មនេះ គឺដើម្បីទាមទារសុំឱ្យថៅកែរោងចក្របញ្ឈប់ឈ្មោះហ្វារ៉ុក ប្រធានសង្វាក់ផលិតកម្ម ចេញពីរោងចក្រ ខណៈដែលជននេះនិយាយមាក់ងាយកម្មកររោងចក្រ និងប្រើពាក្យអសុរោះ ជាពិសេសកម្មការិនី ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ