ខេត្តកណ្តាល ៖ នៅព្រឹកថ្ងៃទី១៧ ខែ សីហា ឆ្នាំ២០១២ ប្រតិភូសាខាកាកបាទក្រហមកម្ពុជាខេត្តកណ្តាល ដឹកនាំដោយលោក ហេ កាន់ ប្រធានគណៈកម្មាធិការសាខា បាននាំជំនួយសង្គ្រោះទៅចែកជូនប្រជាពលរដ្ឋរងគ្រោះដោយអគ្គិភ័យចំនួន២គ្រួសារ នៅភូមិកណ្តាលកោះ ឃុំកោះអន្លង់ចិន ស្រុកស្អាង ។ អញ្ជើញចូលរួមជាកិតិ្តយសជាមួយប្រតិភូរួមមាន លោកជំទាវ គឹង ចាន់ឌី គន់ គីម
ខេត្តកណ្តាល ៖ នៅព្រឹកថ្ងៃទី១៧ ខែ សីហា ឆ្នាំ២០១២ ប្រតិភូសាខាកាកបាទក្រហមកម្ពុជាខេត្តកណ្តាល ដឹកនាំដោយលោក ហេ កាន់ ប្រធានគណៈកម្មាធិការសាខា បាននាំជំនួយសង្គ្រោះទៅចែកជូនប្រជាពលរដ្ឋរងគ្រោះដោយអគ្គិភ័យចំនួន២គ្រួសារ នៅភូមិកណ្តាលកោះ ឃុំកោះអន្លង់ចិន ស្រុកស្អាង ។ អញ្ជើញចូលរួមជាកិតិ្តយសជាមួយប្រតិភូរួមមាន លោកជំទាវ គឹង ចាន់ឌី គន់ គីម ,លោកជំទាវ អុល ណារ៉ាន់ ជឹម សុខខុន ,លោកជំទាវ ស៊ុន ម៉ាលី ហេ កាន់ ,លោកជំទាវ ចាន់ ចំរើន កុល សំអុល ,លោកវេជ្ជបណ្ឌិត ប្រាក់ ផន ,លោក មាស សឿន និងលោកស្រី កើត សាវ៉ាន ,លោកស្រី សុខ សុវណ្ណារី ,លោកស្រី គង់ សារីយ៉ា ,មន្រ្តីក្រុមប្រតិបតិ្តសាខា លោកអភិបាលស្រុកស្អាង និងមន្ត្រីរាជការជុំវិញសាលាស្រុក ឃុំ ភូមិមួយចំនួនទៀត ។
តាមរបាយការណ៍ស្វាគមន៍លោក ខឹម ច័ន្ទគីរី ប្រធានគណៈកម្មាធិការអនុសាខាកាកបាទក្រហមកម្ពុជាស្រុក និងជាអភិបាលស្រុកស្អាង បានឱ្យដឹងថា កាលពីថ្ងៃទី១០ ខែសីហា ឆ្នាំ២០១២ វេលាម៉ោង១០ព្រឹក នៅភូមិកណ្តាលកោះ ឃុំកោះអន្លង់ចិន ស្រុកស្អាង ខេត្តកណ្តាល មានគ្រោះអគ្គិភ័យមួយកើតឡើងបណ្តាលមកពីទុស្សេខ្សែភ្លើង ។ គ្រោះអគ្គិភ័យនេះបានធ្វើឱ្យផ្ទះប្រជាពលរដ្ឋចំនួន២ខ្នង ដែលមានទំហំ (៧ ម៉ែត្រ គុណនឹង៦ម៉ែត្រ) និង (៦ម៉ែត្រ គុណនឹង ៥ម៉ែត្រ) សង់ពីឈើប្រក់ស័ង្កសីត្រូវបានឆាបឆេះអស់ទាំងស្រុង ។
លោក ហេ កាន់ មានមតិសំណេះសំណាលដោយនាំមកនូវការផ្តាំផ្ញើសាកសួរសុខទុក្ខពីសំណាក់លោកជំទាវកិតិ្តព្រឹទ្ធបណិ្ឌត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងសមាជិកសមាជិកាគណៈកម្មាធិការសាខា ជូនចំពោះបងប្អូនរងគ្រោះទាំងពីរគ្រួសារដោយកី្តនឹករឭក ។ លោកក៏បានសម្តែងនូវការចូលរួមរំលែកទុក្ខលំបាកជាមួយគ្រួសាររងគ្រោះទាំងពីរផងដែរ និងបានសំណូមពរសុំឱ្យគ្រួសាររងគ្រោះកុំមានការអស់សង្ឃឹម ត្រូវប្រឹងប្រែងប្រកបរបររកស៊ីដើម្បីផ្គត់ផ្គង់ជីវភាពក្រុមគ្រួសារជាបន្តទៀត ។ ម៉្យាងទៀតជំនួយសង្គ្រោះរបស់សាខា ដែលបាននាំយកមកឧបត្ថម្ភជូនគ្រួសាររងគ្រោះក្នុងឱកាសនេះ គឺមានចំនួនតិចតួចមិនសមទៅនឹងទំហំនៃការរងគ្រោះក៏ពិតមែន ប៉ុន្តែនេះគឺជាការចូលរួមចំណែកជួយរំលែកទុក្ខលំបាករបស់បងប្អូនដែលកំពុងតែជួបប្រទះនូវការខ្វះខាតជីវភាពប្រចាំថ្ងៃក្នុងគ្រាចំពោះមុខនេះបានមួយរយៈពេលផងដែរ ។
លោកបានបន្តថា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវកិតិ្តព្រឹទ្ធបណិ្ឌត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជានិច្ចកាលតែងតែបានយកចិត្តទុកដាក់អំពីសុខទុក្ខប្រជាពលរដ្ឋរងគ្រោះ និងងាយរងគ្រោះនៅទូទាំងប្រទេសដោយពុំប្រកាន់និន្នាការនយោបាយ ពូជសាសន៍ សាសនា វណ្ណៈ ឬពណ៌សម្បុរឡើយ។ ជំនួយសង្គ្រោះដែលបានឧបត្ថម្ភគ្រួសារនីមួយៗមាន អង្ករ៥០គីឡូក្រាម ,សំពត់តង់១ ,សារុង៣ ,ខោអាវ១កញ្ចប់ ,មី១កេស ,សម្ភារគ្រឿងឧបភោគបរិភោគ២៥មុខ និងថវិកាចំនួន១លាន៥ម៉ឺនរៀល ។
សប្បុរសជនដែលបានឧបត្ថម្ភសម្ភារ និង ថវិការួមមាន សាខាកាកបាទក្រហមកម្ពុជាខេត្ត អង្ករ១០០គីឡូក្រាម ថវិកា៤០ម៉ឺនរៀល និងសម្ភារគ្រឿងឧបភោគបរិភោគ២៥មុខ ចំនួន២ ប្រដាប់ ,លោកជំទាវ គឹង ចាន់ឌី គន់ គីម ថវិកា ១០០ដុល្លារ ,លោក ឈុន ស៊ីរុន និងលោកជំទាវ អៀង វុឌ្ឍី ឈុន ស៊ីរុន សំពត់តង់២ផ្ទាំង ស្មើនឹងទឹកប្រាក់៥០ដុល្លារ ,លោកឧកញ៉ា ថៃ សេងឡុង ថវិកា៤ម៉ឺនរៀល ,លោកជំទាវ អុល ណារ៉ាន់ ជឹម សុខខុន ថវិកា១០ម៉ឺនរៀល , លោកជំទាវ ឈួ ចក្ត្រា អ៊ាវ ចំរើន ថវិកា១០ ម៉ឺនរៀល ,លោក មាស សឿន និងលោកស្រី កើត សាវ៉ាន ថវិកា១២ម៉ឺនរៀល ,លោក ទាវ សាវឿន ថវិកា៤ម៉ឺនរៀល ,លោក ផៃ ប៊ុនឈឿន និងលោកជំទាវ ថវិកា២០ម៉ឺនរៀល សារុង៦ អាវ៦ , លោក ឈឹម កន ថវិកា៤ ម៉ឺនរៀល ,លោកជំទាវ សួស សារ៉ាម ថវិកា៤ ម៉ឺនរៀល ,លោកជំទាវ ចាន់ ចំរើន កុល សំអុល ថវិកា១០ម៉ឺនរៀល ,លោកស្រី កិច អៃដាគន្ធារី ថវិកា២ម៉ឺនរៀល ,លោកស្រី សុខ សុវណ្ណារី ខោអាវ២កញ្ចប់ ,លោកជំទាវ វដ្តី សម សាគុណ ថវិកា២ម៉ឺនរៀល ,លោកជំទាវ ហេ កាន់ ថវិកា៨ម៉ឺនរៀល ,លោកស្រី ប៊ុន ពុទ្ធី ថវិកា២ម៉ឺនរៀល ,លោកស្រី ជី គឹម ថវិកា២ ម៉ឺនរៀល ,លោកស្រី ថន សាខឿន តាំង ម៉េង លាន ថវិកា៦ម៉ឺនរៀល ,លោកស្រី លូ បូណារី ថវិកា៤ម៉ឺនរៀល អាវ៤ ,លោកវេជ្ជបណ្ឌិត ប្រាក់ ផន ថវិកា៤ម៉ឺនរៀល ,លោកស្រី សុខ ថុល សារុង២ និងសពត់ស៊ឹង២ ,លោកជំទាវ ស៊ិន ខ័ណ្ឌី ថវិកា៨ម៉ឺនរៀល ,លោកស្រី គន់ រដ្ឋា លន់ សុផាត ថវិកា៦ម៉ឺនរៀល ,លោកស្រី ឃ្លាំង សំបូរ អ៊ូឈាង ថវិកា១០ម៉ឺនរៀល ៕
ចែករំលែកព័តមាននេះ