ម៉ាស៊ីនឃោសនាក្នុងស្រុករាយការណ៍ថា យន្តហោះមួយគ្រឿងដែលដឹករដ្ឋមន្ត្រីមហាផ្ទៃហ្វ៊ីលីពីនលោក JESSE ROBREDO បានធ្លាក់កាលពីរសៀលថ្ងៃទី១៨ សីហា នៅភាគកណ្តាលប្រទេស ។ រដ្ឋមន្ត្រីរូបនេះ និងអ្នកបើកយន្តហោះ២នាក់នៅតែបាត់ខ្លួន ។
យោងតាមទូរទស្សន៍ ABS-CBN ជាទូរទស្សន៍ក្នុងស្រុកមួយថា យន្តហោះធុនស្រាលមានកៅអី៥នោះ បានធ្លាក់នៅជិតព្រលានយន្តហោះក្រុងម៉ាស្បាត ជាទីក្រុងមួយនៃខេត្តម៉ាស្បាត ភាគកណ្តាលប្រទេស ។
ក្រសួងមហាផ្ទៃអះអាងពីព័ត៌មាននោះក្នុងសេចក្តីថ្លែងការណ៍មួយដោយនិយាយថា លោក ROBREDO បានជិះយន្តហោះនេះធ្វើដំណើរពីកោះសេប៊ូ ទៅកោះណាហ្គា និងថាអ្នកបើក២នាក់បានបញ្ជូនសារអាសន្នមកកាន់ព្រលានយន្តហោះម៉ាស្បាត នាវេលាម៉ោង១៧ ម៉ោងក្នុងស្រុកដោយស្នើការចុះបន្ទាន់ ។ ក៏ប៉ុន្តែយន្តហោះនេះពុំអាចចុះបានហើយធ្លាក់នៅឆក ម៉ាស្បាត ។ ទូរទស្សន៍ ABS- CBN រាយការណ៍ទៀតថា ជំនួយការរបស់លោក ROBREDO លោក JUN ABRAZADO ត្រូវបានជួយសង្គ្រោះនៅកន្លែងយន្តហោះធ្លាក់ ។
អភិបាលរងខេត្តម៉ាស្បាត លោក VINCE REVU គូសបញ្ជាក់ថា ប្រតិបត្តិការជួយសង្គ្រោះកំពុងធ្វើ ក៏ប៉ុន្តែស្ថានភាពរបស់លោក ROBREDO និងរបស់អ្នកដំណើរដទៃទៀតៗនៅពុំទាន់ដឹងនៅឡើយ ៕
ចែករំលែកព័តមាននេះ