អាជ្ញាធរមូលដ្ឋានរាយការណ៍កាលពីថ្ងៃទី១៨ សីហា ថា ប្រជាជនក្រុងគីនហ្សូជាង៧០០នាក់ ក្នុងតំបន់ស្វយ័ត ហ្សូអាង ខេត្តក្វាងស៊ី ភាគនិរតីចិន ត្រូវជាប់ទៅណាមិនរួចក្នុងផ្ទះរបស់ពួកគេដោយសារទឹកជំនន់បណ្តាលមកពីព្យុះទីហ្វុងឈ្មោះ KAI-TAK ។
ព្យុះនេះ ជាព្យុះទី១៣ប្រចាំឆ្នាំ បានបោកបក់មកដល់តំបន់ឆ្នេរសមុទ្រនៃខេត្តក្វាងទុង កាលពីវេលាថ្ងៃត្រង់ថ្ងៃទី១៧ សីហា ។ វា
បានបោកបក់មកដល់ខេត្តក្វាងស៊ី នាថ្ងៃទី១៨ សីហា ។
នៅគីនហ្សូ មានភ្លៀងធ្លាក់យ៉ាងខ្លាំង លើទីក្រុងនេះ ចាប់តាំងពីថ្ងៃទី១៦ សីហា មក បណ្តាលឱ្យជន់លិចភូមិ៣ ក្នុងសង្កាត់ដាហ្ស៊ី ។ អាជ្ញាធរមូលដ្ឋានបានបញ្ជូននាវាសង្គ្រោះ ព្រមទាំងជំនួយសម្ភារទៅកាន់ទីនោះ ។ ព្យុះ KAI -TAK ក៏ប៉ះពាល់ផងដែរ ដល់ប្រជាជនជាង៦០.០០០នាក់ នៃទីក្រុងហ្វាង ចេងហ្គង់ ហើយមនុស្សជាង៨.៧០០នាក់ ត្រូវជម្លៀសចេញ ។ម្យ៉ាងវិញទៀត មនុស្ស២នាក់បាត់ខ្លួនក្រោយពីពួកគេធ្លាក់កាលពីយប់ថ្ងៃទី១៧ សីហា ចូលក្នុងទឹកស្ទឹងមួយនៃស្រុកសាងស៊ី ៕
ចែករំលែកព័តមាននេះ