ខេត្តកំពង់ចាម ៖ លោកអ៊ុច បូររិទ្ធ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិបានមានប្រសាសន៍ផ្តាំផ្ញើដល់កុមារកំព្រាទាំងអស់សូមខិតខំរៀនសូត្រ ដើម្បីក្លាយជាពលរដ្ឋល្អមានចំណេះដឹង ជួយកសាងប្រទេសយើង ទោះបីក្មួយៗបានកំព្រាឪពុកម្តាយ
ខេត្តកំពង់ចាម ៖ លោកអ៊ុច បូររិទ្ធ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិបានមានប្រសាសន៍ផ្តាំផ្ញើដល់កុមារកំព្រាទាំងអស់សូមខិតខំរៀនសូត្រ ដើម្បីក្លាយជាពលរដ្ឋល្អមានចំណេះដឹង ជួយកសាងប្រទេសយើង ទោះបីក្មួយៗបានកំព្រាឪពុកម្តាយក៏ដោយ តែក្មួយៗនៅមានជីដូនជីតាជួយបីបាច់ថែរក្សាដែរ ជាពិសេសមានថ្នាក់ដឹកនាំគណបក្សប្រជាជនកម្ពុជាទាំងអស់តែងតែយកចិត្តទុកដាក់មិនឱ្យក្មួយៗអស់សង្ឃឹមទេ។
លោករដ្ឋលេខាធិការតំណាងលោកឧបនាយករដ្ឋមន្ត្រី ហោ ណាំហុង បានផ្តាំផ្ញោះបែបនេះដល់ក្មួយៗកុមារកំព្រា១៩៧នាក់ ព្រមទាំងយកអំណោយរបស់លោកឧបនាយករដ្ឋមន្ត្រី ហោ ណាំហុង ទៅចែកដល់កុមារកំព្រាក្រីក្រទាំងនោះនាព្រឹកថ្ងៃទី១៨ សីហា ២០១២ ដែលមកពីឃុំទាំង១២ក្នុងស្រុកបាធាយ ខេត្តកំពង់ចាម ។ អំណោយទាំងនោះកុមារកំព្រាម្នាក់ៗទទួលបានថវិកា៥ម៉ឺនរៀល អង្ករ២០គីឡូក្រាម មុងមួយ ភួយមួយ ក្រមាមួយ សាច់ក្រក២គីឡូក្រាម មីមួយកេស ត្រីខ១០កំប៉ុង និងទឹកស៊ីអីុវចំនួន៦ដប ។
លោកអ៊ុច បូររិទ្ធ មានប្រសាសន៍រំលឹកគុណូបការៈដ៏ធំធេងរបស់គណបក្សប្រជាជនកម្ពុជាដែលមានសម្តេចទាំងបីជាប្រមុខដឹកនាំដ៏ភ្លឺស្វាងដែលជានិច្ចកាលតែងតែរួមសុខរួមទុក្ខជាមួយប្រជាជន និងសមិទ្ធផលដ៏ត្រចេះត្រចង់ក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងការបង្រួបបង្រួមជតិ រក្សាសន្តិភាព ស្ថិរភាព អភិវឌ្ឍន៍ប្រទេសឱ្យរីកចម្រើន និងកាត់បន្ថយភាពក្រីក្ររបស់ប្រជាជន ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ