ក្រសួងការពារប្រទេសយេម៉ែន និងសាក្សីទាំងឡាយរាយការណ៍ថា ទាហាន និងសមាជិកកងកម្លាំងសន្តិសុខយេម៉ែន១៨នាក់ បានត្រូវស្លាប់កាលពីថ្ងៃទី១៨ សីហា ដោយសារការវាយប្រហារដោយរថយន្តបង្កប់គ្រឿងផ្ទុះមួយ និងការវាយប្រហារដោយកាំភ្លើងបាញ់រ៉ុក្កែត RPG ប្រឆាំងទីចាត់ការរបស់ភ្នាក់ងារស៊ើបការណ៍យេម៉ែននៅក្រុងអាដេន ។
យោងតាមក្រសួងការពារប្រទេសយេម៉ែនថា សាកសពមនុស្សដទៃៗទៀត អាចជាប់នៅក្រោមគំនរបាក់បែកនៃអគារ ដែលរងការវាយប្រហារ ដែលអគារនេះមួយផ្នែកត្រូវបាក់ ។ ក្រៅពីអ្នកស្លាប់មនុស្ស៧នាក់ត្រូវរបួស ។ ក្រសួងនេះបញ្ជាក់ថា ប្រតិបត្តិការវាយប្រហារនេះ ហាក់ដូចជាមានការរៀបចំដ៏ល្អ ហើយនោះជាស្នាដៃរបស់ពួកអាល់កៃដា ។ ពួកសកម្ម ប្រយុទ្ធបានបញ្ឈប់រថយន្តរបស់ពួកគេនៅមុខអគាររបស់ទូរទស្សន៍មួយ ហើយបានធ្វើឱ្យផ្ទុះរថយន្តយោធាមួយ រួចបន្ទាប់មកទៀតបានបាញ់ប្រហារទៅលើអគារសាធារណៈមុនពេលគេចខ្លួន ។
អាមេរិកបានគាំទ្រដល់កងទ័ពយេម៉ែនក្នុងការតស៊ូប្រឆាំងអាល់កៃដានៅឧបទ្វីបអារ៉ាប់ AQPA ជាពិសេសដើម្បីបញ្ចៀសអំពើហិង្សា កុំឱ្យរីករាលដាលដល់ប្រទេសជិតខាង ពិសេសអារ៉ាប៊ីសាអូឌីត ជាប្រទេសនាំប្រេងកាតចេញធំជាងគេទីមួយលើពិភពលោក។
ការវាយលុកខាងយោធាធំមួយជួយទ្រទ្រង់ដោយកងទ័ពអាេមរិកកាលពីខែមិថុនា នៅខាងត្បូងយេម៉ែនអាចបណ្តេញពួកអ៊ិស្លាមនិយមនៃក្រុម ANSAR AL CHARIA ជាក្រុមមានទំនាក់ទំនងជាមួយអាល់កៃដា ចេញពីបណ្តាមូលដ្ឋានដែលពួកនេះដណ្តើមយកបានកាលពីឆ្នាំទៅមិញ ។ ចាប់តាំងពីពេលនោះមក ការវាយប្រហារលើបណ្តាទីតាំងសាធារណៈមានការកើន ឡើង ៕
ចែករំលែកព័តមាននេះ