តារាស្គីសម្តែងលើទឹកកកនាងគីម យូណាក្នុងពេលថ្មីៗនេះបានធ្វើការបដិសេធពាក្យចចាមអារ៉ាមដែលនិយាយថា រូបនាងត្រៀមខ្លួនចូលរោងការ ។
All That Sportsដែលជាភ្នាក់ងាររៀបចំការប្រកួតរបស់នាងបាននិយាយនៅក្នុងសេចក្តីថ្លែងការណ៍មួយកាលពីចុងសប្តាហ៍កន្លងទៅថា ៖«ពាក្យចចាមអារ៉ាមអះអាងថា យូណានឹងចូលរោងការក្នុងពេលដ៏ឆាប់ខាងមុខនេះហើយដែលពាក្យចចាមអារ៉ាមទាំងនេះត្រូវបានចុះផ្សាយដោយប្រព័ន្ធផ្សព្វផ្សាយនានាបញ្ជាក់ពីភាពពិតនៃដំណឹង ប៉ុន្តែវាមិនពិតដូចជាការអះអាងនោះទេ »។
ភ្នាក់ងារAll That Sportsបានឱ្យដឹងថា បណ្តាបុរសដែលអះអាងជាមិត្តប្រុសរបស់នាងយូណាបានផ្ញើសំបុត្រនិងសារអេឡិចត្រូនិកទៅកាន់ខ្លួនក្នុងឆ្នាំនេះដោយអះអាងថា ពួកគេមានទំនាក់ទំនងយ៉ាងស្អិតរមួតជាមួយនាងគីម យូណានិងខ្លះទៀតថា ខ្លួនបានរៀបការពេញផ្លូវច្បាប់ជាមួយនាងរួចហើយ ។ ថ្មីៗបំផុតនេះ បុរសមួយចំនួនថែមទាំងព្យាយាមណាត់ជួបជាមួយគីម យូណា ក្នុងនោះមានម្នាក់បានអះអាងថា ខ្លួនមានកូនស្រីកម្នាក់ជាមួយនាងទៀតផង ។
សកម្មភាពទាំងអម្បាលម៉ាននេះ ត្រូវភ្នាក់ងារ All That Sportsនិយាយថា វាមិនត្រឹមតែមិនសមហេតុផលនិងមិនទំនងប៉ុណ្ណោះទេ ប៉ុន្តែថែមទាំងធ្វើឡើងក្នុងគោលបំណងបំផ្លាញមុខមាត់របស់នាងគីម យូណាផងដែរ។ ភ្នាក់ងារនេះបានអំពាវនាវឱ្យមានចំណាត់ការផ្លូវច្បាប់ណាមួយជាបន្ទាន់ដើម្បីលុបលាងភាពស្អាត់ស្អំរបស់យូណា ។
សូមបញ្ជាក់ថា គីម យូណាគ្រោងនឹងចេញប្រកួតក្នុងកម្មវិធី All That Skate Summer 2012នៅ Olympic Gymnastics Arenaនាថ្ងៃទី២៤ខែសីហានេះ ៕
ចែករំលែកព័តមាននេះ