ផ្សារហ៊ុនអាស៊ីកើនឡើងកាលពីថ្ងៃអង្គារខណៈដែលក្រុមវិនិយោគិនរង់ចាំប្រមាញ់តួលេខសេដ្ឋកិច្ចរបស់អាមេរិកនិងអឺរ៉ុបក្នុងពេលឆាប់ៗនេះ ។ បន្ទាប់ពីទិន្នន័យថ្មីមួយបង្ហាញថា បំណុលតំបន់ចាយលុយអឺរ៉ូកំពុងញាំញីដល់សកម្មភាពពាណិជ្ជកម្មទូទាំងសាកលលោក ។ សន្ទស្សន៍នៅផ្សារហ៊ុន FTSE CNBC Asia 100 ដែលជាសន្ទស្សន៍វាស់វែងទីផ្សារនៅអាស៊ីកើន០,២% ។
សន្ទស្សន៍នៅផ្សារហ៊ុន Nikkeiរបស់ជប៉ុនកើន០,៥%ដល់៨.៩២៩,៨៨ ខណៈដែលក្រុមវិនិយោគិនបាននាំគ្នាទិញភាគហ៊ុនដែលលក់លើសកម្រិតកាលពីពេលមុន ។ ក៏ប៉ុន្តែក្រុមហ៊ុនToshiba ធ្លាក់ចុះ៣,៧%បន្ទាប់ពីក្រុមហ៊ុននេះលក់ភាគហ៊ុន ១៦% នៅក្នុងក្រុមហ៊ុនរោងចក្រថាមពលនុយក្លេអ៊ែរ Westinghouse Electric នៅក្នុងភាគហ៊ុនដែលខ្លួនកាន់កាប់៦៧% ។ ចំណែកភាគហ៊ុននៅទីក្រុងសេអ៊ូលកើនឡើងបន្ទាប់ពីធនាគារកណ្តាលបានបន្ធូរបន្ថយគោលនយោបាយបន្ថែម ។
សន្ទស្សន៍នៅផ្សារហ៊ុន Korea Composite Stock Prince (KOSPI) កើន១,៣% ដល់ ១.៩៥៦,៩៧ ។ ក្រុមហ៊ុនស្លប្រេងឆៅធំបំផុតរបស់កូរ៉េខាងត្បូង SK Innovation កើន២,៧% ខណៈដែលក្រុមហ៊ុន GS Holding ដែលជាក្រុមហ៊ុនស្លប្រេងឆៅលំដាប់ទី២កើន៣% ។ ចំណែកក្រុមហ៊ុនHyundai Heavy Industries ដែលជាក្រុមហ៊ុនផលិតកប៉ាល់ធំបំផុតនៅលើពិភពលោកបានធ្លាក់ចុះប្រាក់ចំណេញនៅក្នុងត្រីមាសទី២ ចំនួន ៦៧% ។
នៅផ្សារហ៊ុន S&P/ASZ 200 របស់អូស្ត្រាលីកើន០,១% ដល់៤.២៩២,២ ខណៈដែលផ្សារហ៊ុន NZX 50 របស់នូវែលសេឡង់កើន០,៤%ដល់៣.៦០៨,៩ ។ ចំណែកសន្ទស្សន៍នៅផ្សារហ៊ុនShanghai Composite កើន០,៣%ដល់២.១៤២,៥ ខណៈដែលផ្សារហ៊ុន Hang Seng របស់ហុងកុងកើន០,២%ដល់ ២០.២៩១,៦៩ ៕
ចែករំលែកព័តមាននេះ