រាជធានីភ្នំពេញ ៖ មន្ត្រីជំនាញផ្នែកអប់រំបានអះអាងថា ភាពចាំបាច់ ដែលយើងត្រូវពន្លឿនគុណភាពនៃការសិក្សាក្នុងប្រទេសកម្ពុជាឱ្យកាន់តែប្រសើរឡើងនោះ គឺត្រូវយកចិត្តទុកដាក់ទៅលើវិន័យ និងកម្រិតពេលវេលានៃការសិក្សា ។
ថ្លែងក្នុងឱកាសបើកបវេសនកាលឆ្នាំសិក្សា២០១២-២០១៣ នៅសាលាឯកជនកម្ពុជាអូស្ត្រាលីនៅថ្ងៃទី១៧ សីហា ២០១២ លោក
រាជធានីភ្នំពេញ ៖ មន្ត្រីជំនាញផ្នែកអប់រំបានអះអាងថា ភាពចាំបាច់ ដែលយើងត្រូវពន្លឿនគុណភាពនៃការសិក្សាក្នុងប្រទេសកម្ពុជាឱ្យកាន់តែប្រសើរឡើងនោះ គឺត្រូវយកចិត្តទុកដាក់ទៅលើវិន័យ និងកម្រិតពេលវេលានៃការសិក្សា ។
ថ្លែងក្នុងឱកាសបើកបវេសនកាលឆ្នាំសិក្សា២០១២-២០១៣ នៅសាលាឯកជនកម្ពុជាអូស្ត្រាលីនៅថ្ងៃទី១៧ សីហា ២០១២ លោកនាយកផាន់ សិទ្ធី បានមានប្រសាសន៍ថា បច្ចុប្បន្នវិស័យអប់រំនៅកម្ពុជា បាននិងកំពុងតែបោះជំហានទៅមុខ ដែលយើងអាចចាត់ទុកថា មានភាពល្អបង្គួរ ប៉ុន្តែអ្វីយើងចង់បាននោះ គឺការអប់រំរបស់ប្រទេសយើងមានភាពជឿនលឿន ដូចបណ្តាប្រទេសជិតខាង និងនៅតាមបណ្តាប្រទេសជឿនលឿនមួយចំនួនទៀត។ លោកបញ្ជាក់ថា វិស័យអប់រំនៅកម្ពុជានាពេលបច្ចុប្បន្ននេះ គឺនៅមានកម្រិតនៅឡើយ ដោយយើងនៅមិនទាន់អាចគ្រប់គ្រងបានពីបញ្ហាវិន័យ និងម៉ោងពេលសិក្សារបស់សិស្សឱ្យមានលក្ខណៈស្តង់ដា ។ លោកបានធ្វើការប្រៀបធៀបថា វិស័យអប់រំនៅឯបរទេស ជាពិសេសប្រទេសជិតខាង គឺមានការរៀបចំវិន័យបានល្អ ជាពិសេសគុណភាពនៃការអប់រំរបស់គេ គឺមានលក្ខណៈស្តង់ដា និងច្បាស់លាស់ ដែលអាចឱ្យសិស្សមានភាពងាយស្រួលក្នុងការសិក្សា និងប្រកបដោយគុណភាព ។
ទោះជាយ៉ាងណា លោកជឿជាក់ថា គុណភាពនៃការសិក្សាក្នុងប្រទេសកម្ពុជា គឺមិនចាញ់បរទេសឡើយ គ្រាន់តែយើងនៅមិនទាន់រៀបចំស្តង់ដាអប់រំឱ្យបានត្រូវល្អ ។ លោកអះអាងថា «និស្សិតយើង ដែលបានចេញទៅរៀននៅបរទេសនោះ គឺភាគច្រើនការសិក្សារបស់យើងមិនចាញ់គេទេ ពេលខ្លះយើងរៀនពូកែជាងគេផង ទាំងនេះមានន័យថា ខ្មែរយើងមិនមានខួរក្បាលអន់ជាងបរទេសទេ ៕
ចែករំលែកព័តមាននេះ