អ្នកនាំពាក្យរបស់កងត័ពកេនយ៉ាឱ្យដឹងកាលពីថ្ងៃទី១៦សីហាថា កងទ័ពកេនយ៉ាដែលធ្វើប្រតិបត្តិការនៅភាគខាងត្បូងសូម៉ាលី បានសម្លាប់ពួកឧទ្ទាមអ៊ិស្លាមនិយមនៃក្រុមស៊ីបាបចំនួន៧៣នាក់ កាលពីយប់ថ្ងៃទី១៥សីហា។អ្នកនាំពាក្យរូបនេះបន្តថា ការប្រយុទ្ធគ្នាដែលកើតមាននៅហ្វាហ្វាហ៍ឌូន ក៏បណ្តាលឱ្យទាហានកេនយ៉ា២នាក់ត្រូវស្លាប់ដែរ ។
កងទ័ពកេនយ៉ាដែលរុលឆ្ពោះទៅកាន់កំពង់ផែយុទ្ធសាស្ត្រ គីស្មាយ៉ូនោះបានវាយរុញច្រានការវាយប្រហារមួយរបស់ពួកស៊ីបាប ។ ក្រុមឧទ្ទាមសូម៉ាលីនោះដល់ទៅជាង១.០០០នាក់បានវាយប្រហារលើមូលដ្ឋានមួយ ស្ថិតក្រោមការត្រួតត្រារបស់កងទាហានកេនយ៉ា ។
ការវាយប្រហារទាំងនោះកើតមានខណៈដែលប្រទេសកេនយ៉ាពង្រឹងសន្តិសុខនៅតាមព្រំដែនជាមួយសូម៉ាលី ក្រោយការប្រយុទ្ធគ្នានានារវាងកងទ័ពសូម៉ាលី និងពួកជីវពលអ៊ិស្លាម នៃក្រុមស៊ីបាប ។ ពួកទាហានកេនយ៉ាដែលដាក់ពង្រាយនៅសូម៉ាលីនាពេលថ្មីៗនេះត្រូវបានបញ្ចូលក្នុងបេសកកម្មរបស់សហភាពអាហ្វ្រិកនៅសូម៉ាលី AMISOM ៕
ចែករំលែកព័តមាននេះ