ម៉ាស៊ីនឃោសនាប៉ាគីស្ថានរាយការណ៍ថា មនុស្សយ៉ាងតិច១៥នាក់បានត្រូវស្លាប់ហើយជាច្រើននាក់ទៀតត្រូវរបួសកាលពីថ្ងៃទី១៦សីហា ពេលពួកជនប្រដាប់អាវុធវាយប្រហារលើរថយន្តបឺសធុនតូច៣គ្រឿង ក្នុងតំបន់ GILGIL- BAL-TISTAN ភាគខាងជើងប៉ាគីស្ថាន ។
យោងតាមទូរទស្សន៍ AAJថាជនប្រដាប់អាវុធមួយក្រុមមានគ្នាពី១០ទៅ១៥នាក់បានវាយប្រហារលើរថយន្តបឺសធុនតូច៣គ្រឿងដែលដឹកអ្នកដំណើរកាលពីថ្ងៃទី១៦សីហាវេលាម៉ោង១១ម៉ោងក្នុងស្រុកក្នុងតំបន់បាប៊ូសៀរ។ ពួកជនវាយប្រហារដែលស្លៀកពាក់ឯកសណ្ឋានយោធាបានឱ្យអ្នកដំណើរដែលជិះក្នុងរថយន្តទាំងនេះបង្ហាញប័ណ្ណសម្គាល់ខ្លួន បន្ទាប់មកបានរុញអ្នកដំណើរមួយចំនួនឱ្យចេញពីរថយន្តហើយបាញ់សម្លាប់ពួកគេ ។
ក្រោយការវាយប្រហាររួចពួកនេះបានរត់គេចខ្លួនអស់ ។ សម្រាប់ពេលនេះនៅពុំទាន់មានក្រុមណាប្រកាសទទួលខុសត្រូវនៅឡើយចំពោះអំពើនេះ ។ ឧប្បត្តិហេតុកើតមាននៅតំបន់ដាច់ស្រយាលមួយរួចប៉ូលិសនិងពួកអ្នកជួយសង្គ្រោះប្រើពេលដល់ទៅ៤ម៉ោងទើបទៅដល់ ៕
ចែករំលែកព័តមាននេះ