រាជធានីភ្នំពេញ ៖ អតីតម្ចាស់ភោជនីយដ្ឋានណាំទ្រាស្វ៊ីត និងជាម្ចាស់ទីតាំងផលិតគ្រឿងញៀនដ៏ធំឈ្មោះ ហុង អេនឌី និងបក្សពួកមូយចំនួនទៀតដែលជាប់ពាក់ព័ន្ធនឹងការរក្សាទុកសារធាតុញៀនខុសច្បាប់ដើម្បីផលិតគ្រឿងញៀន បានត្រូវលោក ឌុច គឹមសន ប្រធានក្រុមប្រឹក្សាសាលាដំបូងរាជធានីលើកយកមកប្រកាសសាលក្រម កាលពីព្រឹកថ្ងៃទី១៤ សីហា ។
រាជធានីភ្នំពេញ ៖ អតីតម្ចាស់ភោជនីយដ្ឋានណាំទ្រាស្វ៊ីត និងជាម្ចាស់ទីតាំងផលិតគ្រឿងញៀនដ៏ធំឈ្មោះ ហុង អេនឌី និងបក្សពួកមូយចំនួនទៀតដែលជាប់ពាក់ព័ន្ធនឹងការរក្សាទុកសារធាតុញៀនខុសច្បាប់ដើម្បីផលិតគ្រឿងញៀន បានត្រូវលោក ឌុច គឹមសន ប្រធានក្រុមប្រឹក្សាសាលាដំបូងរាជធានីលើកយកមកប្រកាសសាលក្រម កាលពីព្រឹកថ្ងៃទី១៤ សីហា ។
សាលក្រមនេះបានសម្រេចផ្តន្ទាទោសឈ្មោះ ហុង អេនឌី អាយុ៥១ឆ្នាំ ដាក់ពន្ធនាគារអស់មួយជីវិត និងពិន័យជាប្រាក់៨០លានរៀល ពីបទផ្តើមគំនិតផលិតគ្រឿងញៀន ជួញដូរគ្រឿងញៀន រក្សាទុកគ្រឿងញៀនខុសច្បាប់ និងបទមិនរាងចាលប្រព្រឹត្តក្នុងបទល្មើសឧក្រិដ្ឋ និងមជ្ឈិម ។ ផ្តន្ទាទោសឈ្មោះ ណៃ ស្រីនី ភេទស្រី អាយុ១៦ឆ្នាំ ដាក់ពន្ធនាគារ២០ឆ្នាំ និងពិន័យជាប្រាក់៤០លានរៀល ពីបទផលិត និងជួញដូរគ្រឿងញៀន ។
ផ្តន្ទាទោសឈ្មោះ អ៊ា គឹមហេង ភេទប្រុស អាយុ៤២ឆ្នាំ ដាក់ពន្ធនាគារ២៥ឆ្នាំ និងពិន័យជាប្រាក់៥០លានរៀល ពីបទសមគំនិត ផលិតនិងជួញដូរគ្រឿងញៀន ។ ផ្តន្ទាទោសឈ្មោះ គឹម ដារិទ្ធ ភេទប្រុស អាយុ៣៥ឆ្នាំ ដាក់ពន្ធនាគារ៤ឆ្នាំ តែអនុវត្តទោស២ឆ្នាំ ពីបទរក្សាទុកសារធាតុសម្រាប់ផលិតគ្រឿងញៀន ។ ផ្តន្ទាទោសឈ្មោះ សំរិត ផាត ភេទប្រុស អាយុ៤៥ឆ្នាំ ដាក់ពន្ធនាគារ១៨ខែ ពីបទបំបាត់វត្ថុតាងបំផ្លាញចោលសារធាតុផលិតគ្រឿងញៀន និងផ្តន្ទាទោសកំបាំងមុខ ឈ្មោះ យ៉ុង សុវណ្ណ ភេទប្រុស អាយុ៦២ឆ្នាំ ដាក់ពន្ធនាគារ២ឆ្នាំ តែព្យួរទាំងអស់ ពីបទសមគំនិតបំបាត់វត្ថុតាងបំផ្លាញចោលសារធាតុផលិតគ្រឿងញៀន ប៉ុន្តែបើកផ្លូវប្តឹងទាស់ និងឧទ្ធរណ៍។
គួររំលឹកថា សមត្ថកិច្ចការិយាល័យនគរបាលប្រឆាំងគ្រឿងញៀនរាជធានីភ្នំពេញដែលកាលណោះដឹកនាំដោយលោកវរសេនីយ៍ទោ យឹម សុជាតិ ជាប្រធានការិយាល័យនិងមានការចូលរួមពីសំណាក់ស្ថាប័នអយ្យការសាលាដំបូងរាជធានីផងបានបើកយុទ្ធនាការបង្ក្រាប ក្រុមផលិតគ្រឿងញៀនដ៏ធំមួយ ដែលមានឈ្មោះ ហុង អេនឌី ជាមេខ្លោង និងបក្សពួកមួយចំនួនទៀតនៅវេលារំលងអធ្រាត្រឈានចូលថ្ងៃទី១ មីនា ២០១១ នៅចំណុចដីឡូត៍អត់លេខមួយកន្លែងជិតមជ្ឈមណ្ឌលកូប្រា ក្នុងភូមិស្វាយតាអុល សង្កាត់វាលស្បូវ ខណ្ឌមានជ័យ ។ ជាមួយនឹងការឃាត់ខ្លួននេះ ប៉ូលិសដកហូតបានសារធាតុុផ្សំគ្រឿងញៀនមួយចំនួនទម្ងន់ជាង៦គីឡូក្រាមមានដូចជា សារធាតុអេហ្វេឌ្រីន អីុដ្រូក្លរីត, សូដ្យូមក្លរីត, អាស៊ីតស៊ុលហ្វូរីត, សូដ្យូមអីុដ្រុកស៊ីត…។ សម្ភារសម្រាប់ផលិតគ្រឿងញៀនមួយចំនួនរួមមាន ឧបករណ៍បង្កើនសម្ពាធចង្ក្រានស្អំ កែវបាឡុង ម៉ាស៊ីនបឺតខ្យល់ក្រៅពីនោះមានថ្នាំញៀនគ្រវីក្បាល៤គ្រាប់ និងម៉ាទឹកកក៤កញ្ចប់ ។
បន្ទាប់ពីចុះឆែកឆេរទីតាំងនៅសង្កាត់វាលស្បូវរួចហើយ នៅថ្ងៃទី២ មីនា ឆ្នាំ២០១១ វេលាម៉ោង១១ព្រឹកសមត្ថកិច្ចនគរបាលការិយាល័យប្រឆាំងការជួញដូរគ្រឿងញៀនរាជធានីភ្នំពេញបានចុះឆែកឆេរផ្ទះរបស់ឈ្មោះ ហុង អេនឌី នៅផ្ទះល្វែងសង់ថ្មីផ្លូវ១២BT (ផ្លូវតាផុន) ភូមិសន្សំកុសល៤ សង្កាត់បឹងទំពុន ខណ្ឌមានជ័យតាមដីកាឆែកឆេរលំនៅស្ថាន ។ នៅក្នុងការឆែកឆេរនេះសមត្ថកិច្ចបានដកហូតរថយន្តឡិចស៊ីស២គ្រឿងម៉ាស៊ីនថតកាមេរ៉ាសុវត្ថិភាពមួយគ្រឿង និងឧបករណ៍សម្រាប់ផលិត និងសេពគ្រឿងញៀនមួយចំនួនទៀត ៕
ចែករំលែកព័តមាននេះ