រាជធានីភ្នំពេញ ៖ ស្រ្តីជនជាតិថៃចំនួន៤នាក់ត្រូវសាលាដំបូងរាជធានីភ្នំពេញ សម្រេចឃុំខ្លួនដាក់ពន្ធនាគារជាបណ្តោះអាសន្នពីបទពាក់ព័ន្ធជួញដូរគ្រឿងញៀនជាង២០គីឡូក្រាមឆ្លងដែនដោយខុសច្បាប់។ ស្រ្តីជនជាតិថៃ៤នាក់នោះមាន១-ឈ្មោះ RODSIRI RUNG TIWA អាយុ២៤ឆ្នាំ ២-ឈ្មោះPIW JANSOD UTSANEE អាយុ២០ឆ្នាំ ៣-ឈ្មោះ PHUMDEE VARANGKANA អាយុ២៩ឆ្នាំ និង៤-ឈ្មោះ TANGBOON KETKARN អាយុ២៩ឆ្នាំ។ គួរបញ្ជាក់បានជាសាលាដំបូងរាជធានីភ្នំពេញសម្រេចឃុំខ្លួនជនជាតិថៃ៤នាក់នេះ ដើមចមមានយ៉ាងដូច្នោះថា រយៈពេលតែ១សប្តាហ៍ក្នុងខែសីហានេះ ការិយាល័យគយ និងរដ្ឋាករអាកាសយានដ្ឋានអន្តរជាតិភ្នំពេញ បង្ក្រាបក្រុមជួញដូរគ្រឿងញៀនឆ្លងដែនខុសច្បាប់បានចំនួន៣ករណី និងចាប់ឃាត់ខ្លួនជនសង្ស័យ៤នាក់ជាស្រ្តីជនជាតិថៃទាំងអស់ ព្រមទាំងដកហូតបានគ្រឿងញៀនប្រភេទម្សៅមេតំហ្វេតាមីន និងកូកាអីុនជាង២០គីឡូក្រាម ដែលពួកគេបម្រុងនឹងនាំចេញទៅប្រទេសថៃ ។
ករណីបង្ក្រាបគ្រឿងញៀនជាង២០គីឡូក្រាមលើស្ត្រីជនជាតិថៃ៤នាក់នេះ គឺចាប់តាំងពីថ្ងៃទី៧ ទី១៣ និងទី១៤ សីហា ២០១២ នៅព្រលានយន្តហោះអន្តរជាតិភំ្នពេញ ដែលដាក់បង្កប់នៅក្នុងវ៉ាលីសនាំមកពីក្រៅប្រទេស ដើម្បីឆ្លងកាត់ទៅកាន់ប្រទេសថៃ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ