ក្នុងសេចក្តីប្រកាសមួយអង្គការអូតង់រាយការណ៍ថា សរុបមនុស្ស១១នាក់ក្នុងនោះមានទាហានអូតង់៤នាក់និងទាហានអាមេរិក៣នាក់ បានត្រូវស្លាប់កាលពីថ្ងៃទី១៦សីហាពេលឧទ្ធម្ភាគចក្រយោធាមួយគ្រឿងរបស់អូតង់បានធ្លាក់នៅភាគខាងត្បូងអាហ្វហ្គានីស្ថាន ។
សេចក្តីប្រកាសនេះបន្តថា ឧទ្ធម្ភាគចក្រ១គ្រឿងរបស់អូតង់បានធ្លាក់នៅភាគខាងត្បូងអាហ្វហ្គានីស្ថាននាថ្ងៃទី១៦សីហា ។ គ្រោះថ្នាក់នេះបណ្តាលឱ្យសមាជិក៤នាក់នៃកងកម្លាំងអន្តរជាតិនិងទាហានអាមេរិក៣នាក់ដែលបម្រើការងារនៅអាហ្វហ្គានីស្ថានត្រូវស្លាប់ ។ ចំណែកសមាជិក៣នាក់របស់កងកម្លាំងសន្តិសុខជាតិអាហ្វហ្គានីស្ថាននិងអ្នកបកប្រែស៊ីវិលអាហ្វហ្គានីស្ថានម្នាក់ក៏ត្រូវស្លាប់ដែរ ។
សេចក្តីប្រកាសនោះពុំបានផ្តល់ភាពលម្អិតលើគ្រោះថ្នាក់នេះឡើយដោយគ្រាន់តែនិយាយថា ការស៊ើបអង្កេតមួយបានត្រូវបើកធ្វើដើម្បីកំណត់ពីមូលហេតុ ។ទន្ទឹមនឹងនេះអ្នកទទួលខុសត្រូវអាហ្វហ្គានីស្ថានម្នាក់ថ្លែងថា ឧទ្ធម្ភាគចក្រនោះធ្លាក់នៅភាគខាងត្បូងខេត្តកាន់ដាហារ ។ វាធ្លាក់ក្នុងតំបន់ CHINARTO ស្រុកអាហ៍វ៉ាលីកូត ខេត្តកាន់ដាហារ ពេលធ្វើប្រតិបត្តិការយោធាមួយ ៕
ចែករំលែកព័តមាននេះ