រាជធានីភ្នំពេញ ៖ គណៈបញ្ជាការឯកភាពខណ្ឌទួលគោក ដឹកនាំដោយលោកព្រះរាជអាជ្ញារងសៀង សុខ និងលោកសាំង សុភៈវិចិត្រ អភិបាលរងខណ្ឌទួលគោក បានចុះត្រួតពិនិត្យ និងឆែកឆេរហាងកាហ្វេយីហោ ជីងជីង ក្រោមបទសង្ស័យប្រើប្រាស់គ្រឿងញៀនកាលពីវេលាម៉ោង៣និង៣០នាទីរសៀលថ្ងៃទី១៦ សីហា ២០១២ នៅដីឡូត៍លេខ១៤ ផ្លូវលេខ២០៦ ស្ថិតក្នុងសង្កាត់ផ្សារដើមគ ខណ្ឌទួលគោក។
ក្នុងប្រតិបត្តិការចុះឆែកឆេរនេះដែរ សមត្ថកិច្ចដកហូតបានកាំភ្លើងខ្លី១ដើម ម៉ាករូឡូ និងឃាត់ខ្លួនជនសង្ស័យ៦នាក់ ប្រុស៤នាក់ ស្រី២នាក់ផងដែរ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ