ក្នុងសេចក្តីប្រកាសមួយកាលពីថ្ងៃទី១៥សីហាកងទ័ពអាកាសអាមេរិកថ្លែងថា ការហោះសាកល្បងមួយរបស់យន្តហោះយោធាគ្មានមនុស្សបើកលឿនជាងសំឡេងរបស់អាមេរិកទទួលបរាជ័យហើយយន្តហោះនោះបានធ្លាក់ក្នុងមហាសមុទ្រប៉ាស៊ីហ្វិក ។យន្តហោះនេះមានឈ្មោះថា X-51A WAVERTDER បានទទួលបរាជ័យក្នុងការហោះហើរឱ្យបានល្បឿនដល់ទៅ MACH6 គឺប្រមាណជា៧៣៥០គ.ម ក្នុងមួយម៉ោង ។
កងទ័ពអាកាសអាមេរិកប្រកាសកាលពីថ្ងៃទី១៥ សីហាពីការផ្តាច់ខ្លួនចេញពេលកំពុងហោះហើររបស់យន្តហោះនេះដែលភ្ជាប់នឹងយន្តហោះទម្លាក់គ្រាប់បែក B-52 ក៏ប៉ុន្តែប្រមាណជា១៦វិនាទី ក្រោយចាប់ផ្តើមការហោះសាកល្បងយន្តហោះនេះស្រាប់តែមានបញ្ហានៅស្លាបមួយ ។ យន្តហោះ X-51A ពុំអាចថែរក្សាការត្រួតពិនិត្យលើផ្លូវត្រូវហោះហើរមកពីមានបញ្ហានៅស្លាបនោះ ។
យន្តហោះX-51A ផលិតសម្រាប់ការហោះហើរ៣០០វិនាទី ហើយនោះជាការប៉ុនប៉ងលើកទី៣របស់កងទ័ពអាកាសដើម្បីឆ្លងកាត់ជញ្ជាំងសំឡេង ។ កងទ័ពអាកាសគូសបញ្ចាក់ថា X-51A គ្រាន់តែជាការបង្ហាញបច្ចេកវិទ្យាមួយប៉ុណ្ណោះ ហើយពុំមែនជាប្រភេទនៃប្រព័ន្ធគ្រឿងសព្វាវុធមួយឡើយ ។ គោលបំណងគឺបង្ហាញពីភាពអាចធ្វើបាននៃ STATOREACTEUR ជា បច្ចេកវិទ្យាទំនើបដែលនាថ្ងៃណាមួយអាចផលិតអាវុធរត់លឿនជាងសំឡេង ឬក៏យានសម្រាប់ស៊ើបការណ៍ ៕
ចែករំលែកព័តមាននេះ