ចិនព្រួយបារម្ភចំពោះការឃុំឃាំងពលរដ្ឋខ្លួន ក្រសួងពាណិជ្ជកម្មចិនបានស្នើដល់ជប៉ុនឱ្យគ្រប់គ្រងឱ្យបានត្រឹមត្រូវរឿងចាប់ឃុំឃាំងជនជាតិចិន១៤នាក់ដែលទៅកាន់ប្រជុំកោះDIAOYU ។ អ្នកនាំពាក្យក្រសួងនោះលោកសេនដាន យ៉ាងគូសបញ្ជាក់កាលពីថ្ងៃទី១៦ សីហាថា ចិនមានការព្រួយបារម្ភយ៉ាងខ្លាំងចំពោះរឿងនេះ ។
ប្រទេសជប៉ុនបានចាប់ឃុំឃាំងជនជាតិចិនហុងកុងនិងម៉ាកាវ១៤នាក់ដែលទៅកាន់ប្រជុំកោះ DIAOYU កាលពីរសៀលថ្ងៃទី១៥ សីហា ដើម្បីអះអាងពីអធិបតេយ្យភាពរបស់ចិនលើប្រជុំកោះនេះតែពួកគេត្រូវប៉ូលិសជប៉ុនចាប់ខ្លួនពីបទចូលដីជប៉ុនដោយខុសច្បាប់ ។ នាវានេសាទមួយគ្រឿងដែលពួកសកម្មជនចិនទាំងនោះជិះក៏ត្រូវកងឆ្មាំឆ្នេរសមុទ្រជប៉ុនចាប់ដែរ ។
អ្នកនាំពាក្យរូបនេះបន្តថា ឆ្នាំនេះកំណត់ពីខួបលើកទី៤០នៃការធ្វើឱ្យមានប្រក្រតីភាពឡើងវិញនៃទំនាក់ទំនងចិន-ជប៉ុនដូច្នេះប្រទេសចិនសង្ឃឹមថា ជប៉ុននឹងធ្វើការខិតខំប្រឹងប្រែងជាក់ស្តែងនានាដើម្បីបង្កើតបរិយាកាសល្អមួយជាគុណប្រយោជន៍ដល់ការពង្រីកទំនាក់ទំនងសេដ្ឋកិច្ច និងពាណិជ្ជកម្មរវាងប្រទេសទាំង២ ហើយជំរុញពង្រីកទំនាក់ទំនងយុទ្ធសាស្ត្រដែលមានផលប្រយោជន៍ទៅវិញទៅមក ។ កាលពីថ្ងៃទី១៦ សីហា នៅមុខស្ថានទូតជប៉ុនប្រចាំក្រុងប៉េកាំងមានមនុស្សមួយក្រុមធ្វើបាតុកម្មទាមទារឱ្យដោះលែងសកម្មជនចិនទាំង១៤នាក់នោះ ៕
ចែករំលែកព័តមាននេះ