ក្រុងប៉ោយប៉ែត ៖ ប្រតិភូមកពីក្រសួងដឹកជញ្ជូន និងផ្លូវដែករដ្ឋរបស់ប្រទេសថៃ ចំនួន១២នាក់ បានចូលមកកម្ពុជាតាមច្រកទ្វារអន្តរជាតិប៉ោយប៉ែត ដើម្បីជួបជាមួយប្រតិភូកម្ពុជា និងបានចុះសិក្សារួមគ្នាលើគម្រោងតភ្ជាប់ផ្លូវដែកថ្មីនៅព្រឹកថ្ងៃទី១៦ សីហា ២០១២ ។ភាគីខាងកម្ពុជាដឹកនាំដោយលោកតូច ចាន់កុសល រដ្ឋលេខាធិការក្រសួងសាធារណការ និងដឹកជញ្ជូន អមដំណើរដោយមន្ត្រីមកពីក្រសួង និងស្ថាប័នមួយចំនួន ក្នុងនោះក៏មានវត្តមានលោកអ៊ុង អឿន អភិបាលខេត្តបន្ទាយមានជ័យ លោកង៉ោ ម៉េងជ្រួន អភិបាលក្រុងប៉ោយប៉ែត ផងដែរ។
ចំណែកភាគីថៃពុំត្រូវបានគេបង្ហើបឱ្យស្គាល់អត្តសញ្ញាណនោះទេ ប៉ុន្តែមន្ត្រីកម្ពុជាប្រាប់ថា ២នាក់មកពីក្រសួងដឹកជញ្ជូន និង១១នាក់ទៀតមកពីផ្លូវដែករដ្ឋរបស់ថៃ។ ប្រតិភូមួយក្រុមនេះក្រោយចូលមកដល់កម្ពុជាបានធ្វើដំណើររួមគ្នាជាមួយប្រតិភូកម្ពុជាចុះសិក្សាច្រកស្ទឹងបត់ ស្ថិតក្នុងភូមិស្ទឹងបត់ សង្កាត់ផ្សារកណ្តាល ឈមនឹងច្រកណងអៀនថៃ ស្ថិតក្នុងស្រុកអារញ្ញ ខេត្តស្រះកែវ ជាចំណុចដែលរដ្ឋាភិបាលនៃប្រទេសទាំង២ នឹងមានគម្រោងបើកច្រកអន្តរជាតិថ្មីនោះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ