រាជធានីភ្នំពេញ ៖ កាលពីព្រឹកថ្ងៃទី១៦ សីហា ២០១២ សម្តេចអគ្គមហាពញាចក្រី ហេង សំរិន ប្រធានរដ្ឋសភាបានមានប្រសាសន៍ថា «សភាកម្ពុជាបានជំរុញល្បឿនការងារខណ្ឌសីមា និងការបោះបង្គោលព្រំដែនគោកកម្ពុជា-វៀតណាមឲ្យចប់សព្វគ្រប់នាឆ្នាំ២០១២» ដើម្បីកសាងខ្សែបន្ទាត់ព្រំដែនទៅជាព្រំដែនសន្តិភាព មិត្តភាព សហប្រតិបត្តិការ និងអភិវឌ្ឍន៍ប្រកបដោយចីរភាព។ សម្តេចប្រធានរដ្ឋសភាបានថ្លែងដូចនេះក្នុងឱកាសដែលសម្តេចអនុញ្ញាតឲ្យគណៈប្រតិភូជាន់ខ្ពស់វៀតណាមដឹកនាំដោយលោកង្វៀន ស្វ៉ីនហ៊ុក សមាជិកការិយាល័យនៃគណៈកម្មាធិការបជ្ឃិមបក្ស ឧបនាយករដ្ឋមន្រ្តី និងជាប្រធានគណៈកម្មាធិការត្រួតពិនិត្យគ្រឿងញៀន អេដស៍ និងពេស្យាចាវៀតណាមចូលជួបសវនាការ និងសម្តែងការគួរសមនៅវិមានរដ្ឋសភា៕
ចែករំលែកព័តមាននេះ