ប្រធានាធិបតីកូរ៉េខាងត្បូងលោកលីម្យុងបាក់កាលពីថ្ងៃទី១៥សីហាបានស្នើដល់រដ្ឋាភិបាលជប៉ុនឱ្យចាត់វិធានការដោយស្មោះស្ម័គ្រនានាដើម្បីដោះស្រាយបញ្ហានារីបម្រើកាមគុណដោយលោកថ្លែងថា អំពើនេះតំណាងឱ្យការរំលោភបំពានមួយលើបណ្តាតម្លៃជាសាកលរបស់មនុស្សនិងយុត្តិធម៌ប្រវត្តិសាស្ត្រ ។
លោកលីអះអាងបែបនេះក្នុងសុន្ទរកថាមួយថ្លែងនាឱកាសទិវារំដោះដែលកំណត់ពីឯករាជភាពរបស់កូរ៉េពីនឹមត្រួតត្រារបស់ជប៉ុន(១៩១០-១៩៤៥) ខណៈដែលភាពតានតឹងរវាងប្រទេសជិតខាងទាំង២បានកើនឡើង ក្រោយទស្សនកិច្ចគួរឱ្យភ្ញាក់ផ្អើលកាលពីសប្តាហ៍មុនរបស់លោកលី នៅប្រជុំកោះ DOKDO ដែលទាមទារដោយក្រុងតូក្យូ ។
យោងតាមប្រវត្តិសាស្ត្រនារីអាស៊ីជាច្រើនសិបពាន់នាក់ភាគច្រើននារីកូរ៉េត្រូវក្លាយជាទាសករភេទសម្រាប់កងទាហានជប៉ុនក្នុងឱកាសនៃសង្គ្រាមលោកលើកទី២ ។ នារីទាំងនោះត្រូវបានគេហៅថានារីបម្រើកាមគុណ ៕
ចែករំលែកព័តមាននេះ