ប្រទេសឥណ្ឌូណេស៊ីមានបំណងក្លាយជាប្រទេសដែលមានសេដ្ឋកិច្ចធំបំផុតនៅលើពិភពលោកនាឆ្នាំ២០១៥ខាងមុខ ។ ដូច្នេះផលិតផលក្នុងស្រុកសរុបរបស់ប្រទេសនេះនឹងមានចំនួន៤,៥លានដុល្លារ ។ ប្រាក់ចំណូលសម្រាប់មនុស្សម្នាក់ៗនឹងកើនឡើង៤ដងពី៣.០០០ដុល្លារដល់១៥.០០០ដុល្លារ ។ ថ្លែងទៅកាន់វេទិកាធុរកិច្ចនាទីក្រុងសិង្ហបុរី រដ្ឋមន្ត្រីសម្របសម្រួលកិច្ចការសេដ្ឋកិច្ចលោកហាតា រ៉ាជាសា ថ្លែងថា ទីក្រុងហ្សាកាតា គ្រោងនឹងសម្រេចគោលដៅនេះតាមរយៈកម្មវិធីពន្លឿនសេដ្ឋកិច្ចរបស់រដ្ឋាភិបាល ។ កម្មវិធីនេះផ្តោតសំខាន់ទៅលើការអភិវឌ្ឍហេដ្ឋារចនាសម្ព័ន្ធនៅក្នុងច្រករបៀងកំណើនសេដ្ឋកិច្ចក្នុងតំបន់ចំនួន៦នៅទូទាំងប្រទេស ។
យ៉ាងណាក៏ដោយ កម្មវិធីនេះទាមទារការវិនិយោគរាប់លានដុល្លារដើម្បីធ្វើឱ្យមានកំណើនឡើង ។ ដើម្បីធ្វើដូច្នេះបាន ក្រុងហ្សាកាតាមានគម្រោងទាក់ទាញវិនិយោគបរទេសទាំងក្នុងវិស័យផលិតកម្ម សេដ្ឋកិច្ច និងហេដ្ឋារចនាសម្ព័ន្ធ ។ លោកបានបន្ថែមថា គោលនយោបាយដែលយើងយកមកអនុវត្តនេះគឺវាអនុលោមទៅនឹងការប្តេជ្ញារបស់អន្តរជាតិ ហើយយើងនៅតែបើកចំហសម្រាប់ធុរកិច្ចដដែល ។ លោកថា លោកមិនជឿលើការការពារពាណិជ្ជកម្មនោះទេ ហើយលោកប្តេជ្ញាយ៉ាងមុតមាំថា នឹងបើកចំហរបបពាណិជ្ជកម្មឱ្យបានត្រឹមត្រូវនិងមានលក្ខណៈប្រកួតប្រជែងសម្រាប់ឥណ្ឌូណេស៊ី ៕
ចែករំលែកព័តមាននេះ