ខេត្តកំពង់ចាម ៖ កូនភ្លោះស្រី៣នាក់ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានប្រសូតនៅក្នុងមន្ទីរពេទ្យខេត្ត ក្រោមការយកចិត្តទុកដាក់ថែទាំរបស់គ្រូពេទ្យរយៈពេល៨ថ្ងៃ ធ្វើឲ្យទារកទាំង៣មានសុខភាពល្អរួមទាំង
ខេត្តកំពង់ចាម ៖ កូនភ្លោះស្រី៣នាក់ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានប្រសូតនៅក្នុងមន្ទីរពេទ្យខេត្ត ក្រោមការយកចិត្តទុកដាក់ថែទាំរបស់គ្រូពេទ្យរយៈពេល៨ថ្ងៃ ធ្វើឲ្យទារកទាំង៣មានសុខភាពល្អរួមទាំងម្តាយផងដែរ បានវិលត្រឡប់ទៅកាន់លំនៅឋានវិញហើយនៅភូមិត្រពាំងរាំង ឃុំសូសែន ស្រុកព្រៃឈរ កាលពីថ្ងៃទី១៣ សីហា។
តាមស្រ្តីឈ្មោះសាំង សុដានី អាយុ២៩ឆ្នាំ ម្តាយកូនភ្លោះប្រាប់ឲ្យដឹងថា ក្រោយពីសំរាលបានកូនភ្លោះ៣ កាលពីវេលាម៉ោង១១និង៣០នាទីយប់ថ្ងៃទី៦ សីហា ២០១២ កន្លងមកសុខភាពរបស់នាងមានសភាពទ្រុឌទ្រោម តែត្រូវបានគ្រូពេទ្យជួយជ្រោមជ្រែងសង្គ្រោះរូបនាង និងកូន រហូតមានសុខភាពល្អប្រសើរទាំងអស់គ្នា និងបានត្រឡប់មកផ្ទះវិញ ។ ប្រភពបន្តថា ដោយមានក្តីកង្វល់ថា តើបានទឹកដោះគោមកពីណា ដើម្បីឲ្យកូនបៅនោះ ព្រោះមុននេះប្តីប្រកបរបរជាកម្មករសំណង់យកប្រាក់មកដោះស្រាយជីវភាពទាំងលំបាកបាន១ថ្ងៃ ស្រាប់តែត្រូវបានលោកសេង ទៀង ទីប្រឹក្សាសម្តេចតេជោបាននាំយកអំណោយដ៏ថ្លៃថ្លារបស់សម្តេច និងលោកជំទាវកិត្តិព្រឹទ្ធបណ្ឌិតមកប្រគល់ជូនដល់ផ្ទះតែម្តង ក្នុងនោះមានអង្ករចំនួន៤បាវ ស្មើនឹង២០០គីឡូក្រាម ស្ករស៥គីឡូក្រាម ទឹកដោះគោ២កេស សារុង២ ក្រមា២ និងថវិកាចំនួន៣លានរៀល ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ