ខេត្តបន្ទាយមានជ័យ ៖ ព្រឹកថ្ងៃទី១៤ សីហា ២០១២ ប្រតិភូរបស់ក្រសួងព័ត៌មានដឹកនាំដោយកញ្ញាម៉ូង រ៉ាម៉ារី អ្នកសម្របសម្រួលកម្មវិធីកុមារត្រូវការសេចក្តីស្រឡាញ់ និងការយកចិត្តទុកដាក់ពីយើងទាំងអស់គ្នា អមដំណើរដោយលោកស្រី ទូច វ៉ាន់នី នាយិកាសាលា
ខេត្តបន្ទាយមានជ័យ ៖ ព្រឹកថ្ងៃទី១៤ សីហា ២០១២ ប្រតិភូរបស់ក្រសួងព័ត៌មានដឹកនាំដោយកញ្ញាម៉ូង រ៉ាម៉ារី អ្នកសម្របសម្រួលកម្មវិធីកុមារត្រូវការសេចក្តីស្រឡាញ់ និងការយកចិត្តទុកដាក់ពីយើងទាំងអស់គ្នា អមដំណើរដោយលោកស្រី ទូច វ៉ាន់នី នាយិកាសាលាមត្តេយ្យដំណឹងល្អអន្តរជាតិ លោកអ៊ួង រៀង ប្រធានអង្គការគ្រីស្ទបរិស័ទកម្ពុជា បាននាំយកសម្ភារសិក្សាប្រដាប់ប្រដាក្មេងលេង ថ្នាំវីតាមីន ដែលជាថវិកាឧបត្ថម្ភរបស់លោកខៀវ កាញារីទ្ធ រដ្ឋមន្ត្រីក្រសួងព័ត៌មានមកប្រគល់ជូនដល់កុមារដែលរស់នៅជាមួយម្តាយពិរុទ្ធជន និងទណ្ឌិតចំនួន១៧នាក់ នៅពន្ធនាគារខេត្ត ។ ការនាំយកអំណោយមកប្រគល់ជូនដល់កុមារដែលរស់នៅជាមួយម្តាយ ជាពិរុទ្ធជន និងទណ្ឌិតក្នុងពន្ធនាគារនេះក៏មានការទទួលស្វាគមន៍យ៉ាងកក់ក្តៅពីសំណាក់លោកវរសេនីយ៍ឯក ហ៊ិន សុផល ប្រធានពន្ធនាគារខេត្ត ។
លោកហ៊ិន សុផល ឱ្យដឹងថា ដោយមើលឃើញពីការលំបាកចំពោះកុមារតូចៗដែលបានមករស់នៅជាមួយម្តាយរបស់ខ្លួននៅក្នុងពន្ធនាគារ ក្នុងការសិក្សារៀនសូត្រ ដើម្បីបំពេញចំណេះដឹងរបស់ពួកគេ ពន្ធនាគារខេត្តបានធ្វើការបង្កើតឱ្យមានសាលាមត្តេយ្យសិក្សានៅក្នុងពន្ធនាគារដោយផ្ទាល់ ដើម្បីបង្រៀនដល់កុមារដែលមានអាយុចាប់ពី២ឆ្នាំ ដល់៥ឆ្នាំ ដោយមានការបង្ហាត់បង្រៀនពីគ្រូស្ម័គ្រចិត្តរបស់សមាគម កាតូលិក ព្រមទាំងជួយឧបត្ថម្ភ នូវម្ហូបអាហារ សម្លៀកបំពាក់ សម្ភារសិក្សា និងសម្ភារក្មេងលេងពីអង្គការលីកាដូផងដែរ ។
ដោយឡែកកុមារធំៗដែលមានអាយុចាប់ពី៦ឆ្នាំឡើងទៅខាងពន្ធនាគារខេត្តក៏បានធ្វើការទំនាក់ទំនងទៅសាលារដ្ឋ និងឯកជនមួយចំនួនដើម្បីឱ្យពួកគេបានទៅសិក្សារៀនសូត្រនៅខាងក្រៅពន្ធនាគារ បង្កើនទំនាក់ទំនងល្អជាមួយសង្គមខាងក្រៅ មានមិត្តភក្តិច្រើន ព្រមទាំងទទួលបាននូវចំណេះដឹងទូលំទូលាយផងដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ