អេឌីដាស់ (Adidas) ក្រុមហ៊ុនផលិតឧបករណ៍កីឡាដ៏ធំនៅលើពិភពលោក បានបើកឱកាសដល់អ្នកគាំទ្របាល់ទាត់ចូលរួមផ្តល់សំឡេងក្នុងការដាក់ឈ្មោះបាល់ដែលនឹងប្រើក្នុងការប្រកួតបាល់ទាត់ពិភពលោក ឆ្នាំ២០១៤ នៅប្រទេសប្រេស៊ីល ។
នៅក្នុងរបាយការណ៍របស់ទីភ្នាក់ងារព័ត៌មានរ៉យទ័រ បង្ហើបឱ្យដឹងថា ប្រព័ន្ធគេហទំព័រផ្លូវការរបស់អេឌីដាស់ បានផ្តល់សេវាកម្មដល់អ្នកគាំទ្រដើម្បីចូលរួមផ្តល់សំឡេងដាក់ឈ្មោះបាល់ដោយមាន៣ជម្រើសគឺ “Carnavlesca” ពាក្យរបស់អ្នកចូលរួមក្នុងពិធីបុណ្យកានីវ៉ាល់ “Bossa Nova”ឈ្មោះបទចម្រៀងឡាទីន ជេស (Latin Jazz) ដ៏ពេញនិយមបំផុត និង “Brazuca” ជាអំបូរពាក្យហៅរបស់ជនជាតិដើមនៅប្រេស៊ីល ។
អេឌីដាស់ បានបើកសេវាកម្មដល់អ្នកគាំទ្របាល់ទាត់ផ្តល់សំឡេងឆ្នោតតាមរយៈវេបសាយ adidas.com.br/nome-da-bola-2014/#tab Main ដោយបិទត្រឹមថ្ងៃទី២ កញ្ញា ខាងមុខ ៕
ចែករំលែកព័តមាននេះ