អគ្គលេខាធិការរដ្ឋាភិបាលជប៉ុនលោកអូសាមូហ្វូជីមូរ៉ា ថ្លែងកាលពីថ្ងៃទី១៤ សីហាថា ការចរចារវាងជប៉ុននិងកូរ៉េខាងជើងនឹងបើកធ្វើឡើងវិញនៅក្រុងប៉េកាំងរដ្ឋធានីចិននាថ្ងៃទី២៩ សីហាខាងមុខនេះ ។ក្នុងសន្និសីទសារព័ត៌មានមួយនាទីក្រុងតូក្យូ លោកហ្វូជីមូរ៉ា ថ្លែងថា នោះនឹងជាការចរចាលើកដំបូងចាប់តាំងពី៤ឆ្នាំមកហើយ និងថាការ ចរចានោះនឹងផ្តោត ជាពិសេសលើការប្រមូលអដ្ឋិធាតុទាហានជប៉ុនទាំងឡាយ ដែលស្លាប់នៅកូរ៉េខាងជើងកាលពីពេលបញ្ចប់សង្គ្រាមលោកលើកទី២ ។
លោកហ្វូជីមូរ៉ា បន្តថា នោះក៏នឹងជាការពិភាក្សាគ្នាលើកដំបូងដែរក្នុងកម្រិតរដ្ឋាភិបាលរវាងប្រទេសទាំង២ចាប់តាំងពីការឡើងកាន់អំណាចរបស់គណបក្សប្រជាធិបតេយ្យជប៉ុនពីឆ្នាំ២០០៩មក ។ ភាគីទាំង២នឹងពិភាក្សាគ្នាពីទស្សនកិច្ចជាយថាហេតុរបស់ពលរដ្ឋជប៉ុន នៅឯបណ្តាកន្លែងបញ្ចុះសពសាច់ញាតិពួកគេនៅកូរ៉េខាងត្បូង ៕
ចែករំលែកព័តមាននេះ