ប្រភពព័ត៌មានយោធាមួយគូសបញ្ជាក់ថា ទាហាន៣នាក់និងជនស៊ីវិល២នាក់បានត្រូវស្លាប់ហើយមនុស្ស១៧នាក់ទៀតត្រូវរបួសកាលពីថ្ងៃទី១៤សីហា ក្នុងការវាយប្រហាររបស់ពួកទាហានដែលស្មោះត្រង់នឹងអតីតប្រធានាធិបតីលោកអាលីអាប់ឌុលឡាហ៍សាឡាហ៍ ប្រឆាំងក្រសួងការពារប្រទេសនៅរដ្ឋធានីសាណា ។ប្រភពនេះបញ្ជាក់ថា ទាហាន៣នាក់និងជនស៊ីវិល២នាក់ស្លាប់ក្នុងការវាយប្រហារនេះហើយមនុស្ស១៧នាក់ទៀតត្រូវរបួសក្នុងនោះមានទាហាន១៥នាក់និងជនស៊ីវិល២នាក់ ។
យោងតាមសាក្សីទាំងឡាយថា ទាហាននៃកងឆ្មាំសាធារណរដ្ឋដែលស្ថិតក្រោមបញ្ជារបស់កូនប្រុសអតីតប្រធានាធិបតីឧត្តមសេនីយ៍អាម៉េដ អាលីអាប់ឌុលឡាហ៍ សាឡេហ៍ ជាច្រើនរយនាក់បានវាយប្រហារដោយអាវុធស្វ័យប្រវត្តិនិងគ្រាប់រ៉ុក្កែតប្រឆាំងរថក្រោះលើទីតាំងក្រសួងការពារប្រទេស ស្ថិតនៅកណ្តាលទីក្រុងសាណា ក្រោយពីឡោមព័ទ្ធក្រសួងនេះមក ។ ក៏ប៉ុន្តែកងទ័ពរដ្ឋាភិបាលអាចវាយរុញច្រានការវាយប្រហារនេះដោយចាប់ខ្លួនទាហាន១៨នាក់នៃកងឆ្មាំសាធារណរដ្ឋ ចំណែកតម្រួតយោធាបានដេញតាមពួកនេះឯទៀតៗដែលគេចខ្លួនក្នុងចំណោមប្រជាជនឬនៅតាមអគារទាំងឡាយស្ថិតនៅក្បែរក្រសួងការពារប្រទេស ។
ប្រភពយោធាមួយរបស់កងឆ្មាំសាធារណរដ្ឋជាកងកម្លាំងពិសេសនិយាយថា ឧត្តមសេនីយ៍អាម៉េដបានចេញបញ្ជានាពេលយប់ដល់ពួកទាហានរបស់លោកឱ្យដកថយពីក្រសួងការពារជាតិ ។ ប្រជាជននិយាយថា នាពាក់កណ្តាលយប់ភាពស្ងប់ស្ងាត់កើតមានឡើងវិញ ក៏ប៉ុន្តែភាពតានតឹងនៅតែខ្លាំងក្នុងរដ្ឋធានីដែលនៅទីនោះបណ្តាមនុស្សរបស់ពួកកុលសម្ព័ន្ធប្រដាប់អាវុធបានបង្ហាញខ្លួន ៕
ចែករំលែកព័តមាននេះ