ខេត្តស្វាយរៀង ៖ ថ្ងៃទី១៤ សីហា ២០១២ វេលាម៉ោង៨និង៣០នាទីព្រឹកនៅមន្ទីរពេទ្យបង្អែកស្រុកប្រតិបត្តិជីភូ លោកជៀង អំ អភិបាលខេត្តបានចុះសួរសុខទុក្ខកម្មករ កម្មការិនីដែលរងគ្រោះដោយក្រឡាប់រថយន្តរបួសមកសម្រាកព្យាបាលចំនួន៥៧នាក់ នៅក្នុងមន្ទីរពេទ្យ ដោយមានការអញ្ជើញចូលរួមពីលោកឧកញ៉ា ម៉ែន វិបុល លោកសំ ប៊ុនរិន អភិបាលរងខេត្ត លោកនាយកសាខាកាកបាទក្រហមកម្ពុជាខេត្ត ព្រមទាំងមន្ត្រីរាជការ មន្ទីរសុខាភិបាលជាច្រើនកុះករ ។
អំណោយជាថវិការបស់សាលាខេត្តដែលនាំយកទៅចែកជូនកម្មករ កម្មការិនី៥៧នាក់ ក្នុងម្នាក់៥ម៉ឺុនរៀល ចំណែកកម្មការិនីម្នាក់របួសធ្ងន់ត្រូវគេជាន់គ្រេចចង្កេះផ្តល់ជូន៤០ម៉ឺនរៀល ដោយឡែកសាខាកាកបាទក្រហមកម្ពុជាខេត្ត ឧបត្ថម្ភ៥៧នាក់ក្នុងម្នាក់៣ម៉ឺុនរៀល គ្រូពេទ្យ១៨នាក់ ក្នុងម្នាក់២ម៉ឺុនរៀល ។ នាឱកាសចុះសួរសុខទុក្ខនោះលោកជៀង អំ បានថ្លែងថា ក្នុងនាមអាជ្ញាធរខេត្តសូមចូលរួមជួយរំលែកទុក្ខដល់ក្មួយៗកម្មករ កម្មការិនីទាំងអស់ ហើយសូមឱ្យក្មួយៗឆាប់បានជាសះស្បើយ ទាំងអស់គ្នា ។ លោកជៀង អំ បន្តទៀតថា រូបលោកក៏ដូចជាមន្ត្រីរាជការអាជ្ញាធរមានសមត្ថកិច្ចគ្រប់លំដាប់ថ្នាក់មានការសោកស្តាយមិនគួរកើតមានគ្រោះថ្នាក់ចរាចរណ៍ធ្ងន់ធ្ងរដូច្នេះទេ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ