យោងតាមរបាយការណ៍មួយរបស់ផ្នែកស្តុកសហព័ន្ធក្រុងកានសាស់ស៊ីធី ថាពលរដ្ឋអាមេរិកនឹងត្រូវប្រឈមមុខចំពោះការឡើងថ្លៃនៃផលិតផលស្បៀងអាហារក្នុងឆ្នាំ២០១៣មកពីផលវិបាកដោយផ្ទាល់នៃគ្រោះរាំងស្ងួតធ្ងន់ធ្ងរបំផុតពុំធ្លាប់ជួបប្រទះចាប់តាំងពី៥០ឆ្នាំមកហើយក៏ប៉ុន្តែផលប៉ះពាល់លើអតិផរណានឹងមានកម្រិតមធ្យម ។
យោងតាមរបាយការណ៍ដែលចេញផ្សាយក្នុងខែនេះថាគ្រោះរាំងស្ងួត ដែលកាត់បន្ថយផលិតកម្មពោត និងសណ្តែតសៀង អាចធ្វើឱ្យតម្លៃស្បៀងនាឆ្នាំខាងមុខនេះឡើងថ្លៃ៤% ។ក្រសួងកសិកម្មអាមេរិកប្រកាសកាលពីថ្ងៃទី១០ សីហាកន្លងមកនេះថា ការប្រមូលផលពោតនាឆ្នាំនេះនឹងធ្លាក់ចុះជាលើកដំបូងរយៈពេល៦ឆ្នាំ មកក្រោម ២៨០លានតោន ។ ចំណែកផលិតកម្មសណ្តែតសៀង ធ្លាក់ដល់កម្រិតទាបបំផុតពុំធ្លាប់មានចាប់តាំងពី៥ឆ្នាំមកហើយ ។
យោងតាមរបាយការណ៍នេះថា គ្រោះរាំងស្ងួតក៏នឹងធ្វើឱ្យតម្លៃសាច់និងផលិតផលទឹកដោះគោឡើងថ្លៃដែរ ខណៈដែលសត្វពាហនៈជាង៧០% ស្ថិតក្នុងបណ្តារដ្ឋដែលខ្វះខាតស្មៅខ្លាំងព្រោះរាំងស្ងួត ៕
ចែករំលែកព័តមាននេះ