បុរសម្នាក់កាលពីថ្ងៃទី១៣សីហាបានបាញ់ប្រហារក្បែរបរិវេណសាកលវិទ្យាល័យតិចសាស់មួយដោយសម្លាប់មនុស្ស២នាក់ក្នុងនោះមានប៉ូលិសម្នាក់ ។យោងតាមអ្នកទទួលខុសត្រូវប៉ូលិសមូលដ្ឋានម្នាក់ថា ប៉ូលិស៣នាក់ទៀតនិងនារីម្នាក់ក៏ត្រូវរបួសក្នុងការបាញ់ប្រហារនោះដែរ ។ ខ្មាន់កាំភ្លើងត្រូវបូ៉លិសចាប់ខ្លួនតែក្រោយមកត្រូវស្លាប់ ។
យោងតាមមេប៉ូលិសរូបនេះ លោក SCOTT MCCOLLUM ថា ប៉ូលិសម្នាក់បានទៅកាន់ផ្ទះមួយស្ថិតនៅក្បែរបរិវេណសាកលវិទ្យាល័យនេះដែលមាននិស្សិតជិត៥០.០០០នាក់ ដើម្បីណែនាំឱ្យម្ចាស់ផ្ទះនេះចាកចេញពីទីនោះ ។ ពេលទៅដល់កន្លែងនោះបុរសដែលរស់នៅក្នុងផ្ទះនេះបានបាញ់ប្រហារភ្លាមៗ។ ប៉ូលិសនោះអាចហៅកម្លាំងជំនួយមុនពេលត្រូវស្លាប់ដោយសាររបួសធ្ងន់ពេក ។ កងកម្លាំងប៉ូលិសបន្ទាប់មកបានបាញ់តគ្នាជាមួយខ្មាន់កាំភ្លើងមុនពេលជននោះត្រូវរបួសហើយចាប់ខ្លួន។ ខ្មាន់កាំភ្លើងបើតាមប្រភពប៉ូលិសថាបានស្លាប់ពេលឃុំខ្លួន ៕
ចែករំលែកព័តមាននេះ