ការរញ្ជួយដីខ្លាំងមួយកើតមានកាលពីថ្ងៃទី១៤សីហានៅសមុទ្រOKHOTSK ក៏ប៉ុន្តែសម្រាប់ពេលនេះនៅពុំមានចេញការប្រកាសអាសន្នស៊ូណាមីឡើយ ហើយក៏ពុំមានសេចក្តីរាយការណ៍ពីជនរងគ្រោះនិងការខូចខាតដែរ ។ យោងតាមវិទ្យាស្ថានភូមិវិទ្យាអាមេរិក USGSថា ការរញ្ជួយដីកម្លាំង៧,៧រីស្ទ័រនោះកើតមានកាលពីថ្ងៃទី១៤សីហាវេលាម៉ោង២និង៥៩រំលងអធ្រាត្រ ។ ចំណុចកណ្តាលនៃការរញ្ជួយដីនោះស្ថិតនៅចម្ងាយ១៥៨គ.ម ភាគ|សានទីក្រុង PORONAYSK របស់រុស្ស៊ីក្នុងជម្រៅ៦២៥,៩គ.ម ។
ចំណែកទីភ្នាក់ងារឧតុនិយមជប៉ុនវិញវាយតម្លៃថាការរញ្ជួយដីនេះមានកម្លាំង៧,៣រីស្ទ័រ ហើយមជ្ឈមណ្ឌលសង្កេតការរញ្ជួយដីចិននិយាយថាការរញ្ជួយដីនេះមានកម្លាំង៧,២រីស្ទ័រ។ ម៉ាស៊ីនឃោសនារុស្ស៊ីដែលដកស្រង់សំដីអាជ្ញាធរទទួលបន្ទុកសភាពការណ៍បន្ទាន់បញ្ជាក់ថា ការរញ្ជួយដីនោះធ្វើឱ្យប្រជាជននៅតំបន់ OKHOTSK ជ្រួលច្របល់ ក៏ប៉ុន្តែពុំមានព័ត៌មានពីជនរងគ្រោះជាយថាហេតុ ឬការខូចខាតខាងសម្ភារៈឡើយ ។ ម្យ៉ាងវិញទៀតការប្រកាសអាសន្នស៊ូណាមីក៏ពុំបានបញ្ចេញដែរ៕
ចែករំលែកព័តមាននេះ