ប៉ូលិសរាយការណ៍កាលពីថ្ងៃទី១៤សីហាថា បុរសម្នាក់ដែលរត់គេចខ្លួនសង្ស័យពីបទសម្លាប់មនុស្ស៩នាក់និងធ្វើឱ្យមនុស្ស៥នាក់ទៀតត្រូវរបួសក្នុងការប្លន់ដោយអាវុធមួយចំនួនតាំងពីឆ្នាំ២០០៤មកបានត្រូវបាញ់សម្លាប់ក្នុងក្រុងចុងគិញ ភាគនិរតីចិន ។ ខ្មាន់កាំភ្លើងសម្លាប់មនុស្សច្រើននាក់នោះឈ្មោះហ្សូកឺហួ ត្រូវប៉ូលិសសម្លាប់កាលពីព្រឹកថ្ងៃទី១៤ សីហានៅ TONGJIAQIAO ស្រុកសាពិញបា ក្រុងចុងគិញ ។
ត្រូវអាជ្ញាធរចិនចាត់ទុកថាជាមនុស្សសាហាវនិងគ្រោះថ្នាក់បំផុត ហ្សូកឺហួមានឈ្មោះល្បីដោយសារគេហ៊ានចូលទៅប្លន់មនុស្សទាំងឡាយដែលទៅដកប្រាក់នៅធនាគារហើយជននេះក៏ល្បីដែរដោយអាចគេចខ្លួនរួចពីប៉ូលិសជាច្រើនលើក ។យោងតាមបណ្តាអ្នកទទួលខុសត្រូវចិន ថាជននេះត្រូវបានក្រសួងសន្តិសុខសាធារណៈចិនតាមរកបំផុតបានបាញ់សម្លាប់មនុស្សដល់ទៅ៩នាក់ និងធ្វើឱ្យមនុស្ស៥នាក់ទៀតត្រូវរបួសរយៈពេល៨ឆ្នាំចុងក្រោយនេះ ។
ជនរងគ្រោះចុងក្រោយគេជាប៉ូលិសក្រុងចុងគិញម្នាក់ដែលប៉ុនប៉ងចាប់ខ្លួនគេមុនពេលជននេះបាញ់សម្លាប់កាលពីថ្ងៃទី១០ សីហា ៕
ចែករំលែកព័តមាននេះ